КИМЛАРГА БИР МАРОТАБАЛИК МОДДИЙ ЁРДАМ БЕРИЛМОҚДА?

Бу саволга Бюджетдан ташқари Пенсия жамғармаси туман бўлими бошлиғи Аҳмад Абдуллаев жавоб беради

Ўзбекистон Республикаси Президентининг 26.08.2020 йилдаги ПҚ-4815-сонли Қарори билан “Боқувчисини йўқотганлик пенсияси ва нафақасини олувчи оилаларнинг  16 ёшга тўлмаган болаларига ҳамда ногиронлиги бўлган 16 ёшга тўлмаган болалар”га, шунингдек, Вазирлар Маҳкамасининг 2020 йил 2 сентябрдаги 392-Ф-сонли фармойишида “Боқувчисини йўқотганлик пенсия ёки боқувчисини йўқотганлик нафақаси олувчи  18 ёшгача бўлган ўқувчиларга моддий ёрдам” берилиши кўзда тутилди.

Юқоридагиларга асосан 2020 йилнинг сентябрь ойида Пенсия жамғармаси Оқдарё туман бўлими орқали пенсия ва нафақа олувчи “Боқувчисини йўқотганлик пенсияси ва нафақасини олувчи оилаларнинг 18 ёшга тўлмаган болаларига ҳамда ногиронлиги бўлган 16 ёшга тўлмаган болалар”га  бир маротабалик моддий ёрдам олувчиларни тўлов қайдномаси шакллантирилиб, пенсия ва нафақа тарқатиш учун масъул бўлган ташкилотларга юборилди.

Ушбу Қарор шартларига биноан Оқдарё туманида боқувчисини йўқотганлик пенсияси ва нафақаси олувчи оилаларнинг 18 ёшга тўлмаган болаларига ҳамда ногиронлиги бўлган 16 ёшга тўлмаган болаларга жами 1 460 нафарига 730 000 000 сўм маблағ 2020 йилнинг сентябрь ойи учун молиялаштирилиб берилди.