Инсон ва қонун ҚИНҒИР ИШНИНГ ҚИЙИҒИ...

Судланувчи Тохиров Мирзоҳид, "AGRO INNOVATION MAХSULOTLARI" масъулияти чекланган жамиятни 08.02.2021 йилдан 10.02.2021 йилга қадар хуфёна, 10.02.2021 йилдан бошлаб эса жамиятнинг масъул вазифасида ишлаб келган. У  Ўзбекистон Республикаси Солиқ Кодексининг 223-моддаси талабларини қўпол равишда бузиб, жамият томонидан 2021 йил учун тақдим этилган ҳисоботларини 834 326,7 минг сўмга камайтириб тақдим этган ва жамиятга тегишли тартибда кирим қилинган 901.215,9 минг сўмлик солиқ базасини қасддан яширган. Маҳсулотларни сотишдан тушган тушумни бухгалтерия ҳисоботларида акс эттирмаганлиги натижасида жами 153.962,9 минг сўмлик қўшилган қиймат солиғи, шунингдек, жамиятнинг 2021-2022 йил фаолияти давомида 2.164.240,1 минг сўмлик кирим қилинмаган товарлар савдоси билан шуғулланганлиги учун 357.725,7 минг сўм фойда солиғи ҳисобланмасдан ва тўланмасдан, жами 511.688,6 минг сўмлик жуда кўп миқдордаги солиқларни бюджетга тўлашдан қасддан бўйин товлаб келган.
Бундан ташқари, судланувчи М.Тохиров "AGRO INNOVATION MAХSULOTLARI" маъсулияти чекланган жамиятнинг 1.053.174,0 минг сўмлик товарларини нақд пулга сотиб юбориб, савдодан тушган нақд пул маблағларини банк кассасига топширмасдан назорат касса машинасидан ўтказмасдан Ўзбекистон Республикаси Вазирлар Маҳкамасининг 13.02.2003 йилдаги 75-сонли ва 17.11.2011 йилдаги 306-сонли Қарорлари талабларига риоя қилинмасдан пул маблағларини банкдан ташқари ноқонуний айланмасига йўл қўйиб, савдо ёки хизмат кўрсатиш қоидаларини жуда кўп миқдорда бузган.
Судланувчи Тохиров Мирзоҳид, Ўзбекис-тон Республикаси ЖК 184-моддасининг 3-қисми ва 189-моддасининг 1-қисмида назарда тутилган жиноятларни содир этганликда айбли деб топилиб, унга нисбатан Ўзбекистон Республикаси ЖКнинг 59,61-моддаларига асосан тайинланган жазоларни қисман қўшиш йўли билан ўташлик учун узил-кесил 3 йил 1 ой муддатга озодликдан маҳрум қилиш жазоси тайинланди.