Пенсия таъминоти тўғрисидаги қонунга ўзгартириш ва қўшимчалар киритилди

2022 йил 9 февралдаги ЎРҚ-752-сонли Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритилди.
1. Ногиронлик пенсиялари қонунчиликда белгиланган тартибда I ва II гуруҳ ногиронлиги бўлган шахслар деб топилган шахсларга, шунингдек Чернобиль АЭСдаги авария туфайли майиб бўлиш ёки касаллик оқибатида III гуруҳ ногиронлиги бўлган шахслар деб топилган шахсларга тайинланади.
2. Боқувчисини йўқотганлик пенсиясини болалар, ака-укалар, опа-сингиллар  ўқиса-ўқимаса 18 ёшга тўлгунча тўланади.
Таълим ташкилотларининг ўқувчилари ва талабалари ўқишнинг бутун даври давомида, бироқ 23 ёшга тўлгунига қадар боқувчисини йўқотганлик пенсиясини олиш ҳуқуқига эга.
3. I гуруҳ ногиронлиги бўлган шахсга ёки 18 ёшгача бўлган, ногиронлиги бор болага, шунингдек (даволаш муассасасининг хулосасига кўра) ўзгаларнинг парваришига муҳтож бўлган 80 ёшга тўлган қарияларга қараб турилган вақт иш стажига қўшиб ҳисобланади. 
4. Пенсияни ҳисоблашда иш стажига қўшиб ҳисобланадиган болага қараган давр 3 йилдан 6 йилга ўзгартирилди.
5. Ўзбекистон Республикаси ҳудудида белгиланган тартибда карантинли ва инсон учун хавфли бўлган бошқа юқумли касалликлар пайдо бўлиши ва тарқалиши муносабати билан чекловчи чоралар (карантин) жорий этилганда, агар фуқаролар чекловчи чоралар (карантин) даврида ёки улар тугатилгандан кейин пенсия тайинлашни сўраб бир ой ичида мурожаат қилган бўлса, уларга пенсия уни олиш ҳуқуқи юзага келган кундан эътиборан тайинланади. 
Қарор билан "Боқувчисини йўқотганлик пенсияси ва нафақасини олувчи оилаларнинг 16 ёшга тўлмаган болаларига ҳамда ногиронлиги бўлган 16 ёшга тўлмаган болалар"га,  шунингдек Вазирлар Маҳкамасининг 2020 йил 2 сентябрдаги 392-Ф сонли фармойишида "Боқувчисини йўқотганлик пенсия ёки боқувчисини йўқотганлик нафақаси олувчи 18 ёшгача бўлган ўқувчиларга моддий ёрдам берилиши кўзда тутилди. 
Юқоридагиларга асосан, 2020 йилнинг сентябрь ойида Пенсия жамғармаси Оқдарё туман бўлими орқали пенсия ва нафақа олувчи "Боқувчисини йўқотганлик пенсияси ва нафақасини олувчи оилаларнинг 18 ёшга тўлмаган болаларига ҳамда ногиронлиги бўлган 16 ёшга тўлмаган бола-лар"га, бир маротабалик моддий ёрдам олувчиларни тўлов қайдномаси шакллантирилиб, пенсия ва нафақа тарқатиш учун масъул бўлган ташкилотларга юборилди.
Ушбу Қарор шартларига биноан, туманда боқувчисини йўқотганлик пенсияси ва нафақаси олувчи оилаларнинг 18 ёшга тўлмаган болаларига ҳамда ногиронлиги бўлган 16 ёшга тўлмаган болаларга жами 1 460 нафарга 730 000 000 сўм маблағ 2020 йилнинг сентябрь ойи учун молиялаштирилиб берилди.