ГУЛ ЕТИШТИРИШ ТАЖРИБАСИ

Айни кунларда Республика ишчи гуруҳи вакили С.Умирзоқов қишлоқ хўжалиги масалалари бўйича Самарқанд вилояти туманларида ўрганишлар олиб бормоқда. 
Ўрганиш давомида ишчи гуруҳ аъзолари туманимиздаги "Пўлатдархон" МФЙда истиқомат қилувчи Зоҳидов Илҳом ака хонадонига ҳам ташриф этишди. Ушбу хонадонда  ихчам иссиқхона мавжуд бўлиб, фуқаро бугунги кунда иссиқхонада   гулчилик билан шуғулланиб келмоқда.
-  Тадбиркор Илҳом Зоҳидов билан таклиф ва муаммолари  тўғрисида суҳбатлашганимизда, бу хонадонга яна бир иссиқхона ва кичик сиғимли музлатгич учун имтиёзли кредит олишга эҳтиёжи борлиги учун бу масалани ижобий ҳал қилиб беришга келишилди" - дейди С.Умирзоқов.
Ишчи гуруҳ томонидан фуқаронинг гулчилик бўйича кўп йиллик тажрибасини туман миқёсида оммалаштириш режалаштирилди.