Божхона хабарлари

“ГЕРОИН” МАНЗИЛИГА ЕТИБ БОРОЛМАДИ

Самарқандда яна гиёҳвандлик савдосига чек қўйилди. Бу гал Самарқанд вилояти божхона бошқармаси Контрабандага қарши курашиш ва божхона аудити бўлими ҳамда вилоят ДХХ бошқармаси ходимлари билан ҳамкорликда Ургутда  тезкор тадбир ўтказилди.

Фуқаро Ҳ.Ҳ. 600 минг сўмга 2 дона рангсиз целофан пакетга ўралган “Героин” гиёҳвандлик моддасини харидорга сотаётган вақтида тадбир иштирокчилари томонидан тўхтатиб қолинди.

Экспертиза хулосасига кўра, вазни 0.08 грамга тенг бўлган “Героин” гиёҳвандлик моддаси эканлиги маълум бўлди.

Ҳозирда мазкур ҳолат бўйича юзасидан суриштирув ишлари олиб борилмоқда.

Гиёҳвандлик ва гиёҳфурушлик ёш авлод тарбиясига, инсоният келажагига катта зиён етказаётгани бутун дунё ҳамжамиятини ташвишга солмоқда. Шу сабабли бу офатга қарши кураш барчамизнинг ишимиз.

Самарқанд вилояти божхона бошқармаси 

ахборот хизмати.


Мавзуга оид: