ОИЛАДА ОТА-ОНА ВА БОЛАЛАР ҲУҚУҚЛАРИ

Ҳар бир бола оилада дунёга келар экан, у яшаш ва тарбияланиш, ўз ота-онасини билиш, уларнинг ғамхўрлигидан баҳраманд бўлиш, улар билан бирга яшаш ҳуқуқига эга, бу ерда агар албатта боланинг манфаатларига зид келган ҳолатлар бундан мустасно ҳолда.
Бола ўз ота-онаси томонидан тарбияланиши, ўз манфаатлари таъминланиши, ҳар томонлама камол топиши, инсоний қадр-қиммати ҳурмат қилиниши ҳуқуқларига эга. Боланинг ота-онаси бўлмаганда ёки ота-оналик ҳуқуқидан маҳрум қилинганда ёки ота- она қарамоғидан маҳрум бўлган бошқа ҳолатларда унинг оилада тарбияланиш ҳуқуқи васийлик ва ҳомийлик органи (ҳозирда болаларни ҳимоя қилиш бўлими) томонидан таъминланади. 
Ота-она ўз болаларига нисбатан тенг ҳуқуқ ва мажбуриятларга эга. Ота-оналик ҳуқуқлари болалар ўн саккиз ёшга тўлганларида (яъни вояга етганда) шунингдек  қонун билан белгиланган бошқа ҳолларда тугайди. Ота-она болаларини тарбиялашлари шарт, уларнинг келажаги, камоли учун жавобгар ҳисобланади. Ота-она болаларини соғлиғи, руҳий, жисмоний, маънавий ва аҳлоқий аҳволи ҳақида ғамхўрлик қилишга мажбур ҳисобланади. Ота-она қонун олдида фарзандларини таълим олишини таъминла-ши шарт қилиб белгиланган бўлиб, болалар ҳуқуқ ва манфаатларини ҳимоя қилиш уларнинг ота-онасининг зиммасидадир.