FIDOYI USTOZ

Erkintosh Abduhakimova 1962-yilda Oqdaryo tumanida tug'ilgan. 1969-yilda 9-maktabga 1-sinfga qabul qilinib, 1979-yilda maktabni tugatdi. 1985-yilda SAMDPlga o'qishga kirdi, 1990-yilda o'qishni tamomladi. Dastlab tumandagi 12-umumta'lim maktabida laborant bo'lib ishladi. 1987-yildan tumandagi 20-umumta'lim maktabida kuni uzaytirilgan guruh tarbiyachisi vazifasida ishladi.
1991-yil 2-sentyabrdan shu maktabda ona tili va adabiyot, odobnoma fanlaridan dars berib keldi. 2003-yil sentyabridan 20-umumta'lim maktabida direktor lavozimiga tayinlandi. Shu yildan boshlab birinchi navbatda e`tiborini jamoada sog'lom muhitni yaratib, iqtidorli, talabchan, bilimdon kadrlarni joy-joyiga qo'ydi,  ta`lim sifatiga alohida e`tiborini qaratdi. Maktab reytingini tumanda 3-o`ringa ko`tarilishiga jamoa bilan birgalikda harakat qildi. Fan olimpiadalarida viloyat bosqichida fanlar yo`nalishlarida faxrli o`rin va sovrinlarni qo`lga kiritib keldi. 2004-2005 o`quv yilidan eng namunali maktablar qatorida  faoliyat olib bordi. Tuman, viloyat, respublika miqyosida bo`lib o`tgan tadbirlarda o`z o`rni va mavqeiga ega bo'ldi. Bu borada rahbardan talabchanlik va o`ziga yarasha mashaqqatli mehnatni talab qiladi. Qahramonimiz ana shunday talabchan rahbar edi.
Tumanda o'z o'rni, e`tiboriga ega qahramo-nimizni mehnatlari inobatga olinib, 2010-yilda O'zbekiston Respublikasi Xalq Ta'limi a'lochisi ko'krak nishoni bilan mukofatlandi. Loish MFYdan ikki marotaba Adolat partiyasidan tuman deputatligiga saylanib, anchagina ibratli ishlarni amalga oshirdi va «Mustaqilligimizning 25 yilligi» ko'krak nishoni bilan taqdirlandi.
Prezidentimiz Sh.M.Mirziyoyevning 2019-yil 7-iyundagi "Aholiga axborot-kutubxona xizmati ko`rsatishni yanada takomillashtirish to'g'risida"gi  PQ 4354-sonli qaroriga asosan tumanda tashkil etilgan Axborot-kutubxona markaziga direktor lavozimiga ishga tayinlandi. Jamoada sog`lom  muhitni yaratib, kutubxonani rivojlantirishga o`z  hissasini qo`shdi. 2022-yil mart oyigacha shu lavozimda faoliyat ko'rsatdi. Dastlab kutubxona  980 dona kitob fondi bilan ish boshladi. Rahbarning sa'y-harakatlari bilan kutubxona fondi  turli   xil  badiiy  adabiyotlar   bilan  boyitilib, fonddagi  kitoblar   soni  31 mingtani tashkil etdi. Talabchan rahbar  boshchiligida   tumandagi   bir  qancha  tashkilotlar, maktablar va maktabgacha ta`lim  tashkilotlari bilan shartnomalar tuzilib, kutubxonaga kitobxonlarni jalb  qilishda ustozning o`rni  bor. Tinib-tinchimagan fidoyi ustoz Erkintosh Abduhakimova hozirgi kunda o'z uyida "Kuzmunchoq" bolalar bog'chasini tashkil qilib, jajji bolajonlarini tarbiyalab kelayotgan bo'lsada, o'z maslahatlari  bilan   bizlarga  amaliy  yordam   berib  kelmoqda.  
G.DAVUROVA,
                   tuman axborot-kutubxona markazi Axborot-bibliografiya 
 xizmati xodimi.