БЕШ ТАШАББУС - БЕШ ИМКОНИЯТ

Ҳар бир миллат ўз келажак авлодида комилликни кўришни орзу қилади. Ўзбек халқи ўз маданияти ва маънавиятида комил инсонлар тарбиясига алоҳида эътибор берган ва бундай комиллик дарғаларини етиштириш ҳар бир замонда муҳим саналган. Инсон камолотида эса жисмоний ва маънавий гўзаллик муҳим аҳамият касб этади. Шу боис бугунги кунда юртимизда замонавий билим ва кўникмаларга эга, мамлакатнинг муносиб келажаги учун жавобгарликни ўз зиммасига ола биладиган, интилувчан ва серғайрат ёшларни тарбиялашга алоҳида эътибор қаратилмоқда. Ўзбекистон Республикаси Президенти Шавкат Мирзиёев ёшларга эътиборни кучайтириш, уларни маданият, санъат, жисмоний тарбия ва спортга кенг жалб этиш, уларда ахборот технологияларидан фойдаланиш кўникмаларини шакллантириш, ёшлар ўртасида китобхонликни тарғиб қилиш, хотин-қизлар бандлигини ошириш масалаларига бағишланган 5 та ташаббусни илгари сурган эдилар.
5 муҳим ташаббуснинг биринчи ташаббуси доирасида ёш авлодни санъатга, хусусан рангтасвирга қизиқтириш, бўш вақтларини самарали ташкил этиш мақсадида ўқув йили якуни олдидан 51-мактабнинг 2-синф ўқувчилари ўртасида "Беш ташаббус - беш имконият" мавзусида тадбир ўтказилди. Тадбирда ўқувчиларга ўзлари учун қизиқ бўлган мавзуларда - рангтасвир асарларини қандай яратилиши, қайси ранглардан, қандай материаллардан фойдаланиш мақсадга мувофиқлиги тўғрисида маълумотлар берилди. Ўқувчилар томонидан қизиқарли расмлар ишланди ва Саидазимхон Зокиров, Муборакхон Муҳиддинова, Жавлон Туйғунов сингари ўғил-қизлар ушбу тадбирнинг ғолиблигини қўлга киритишди. Ғолиб ўқувчилар мактаб маъмурияти томонидан фахрий ёрлиқлар ва эсдалик совғалари билан тақдирландилар.
Беш ташаббус ёшларга берилган беш имконият бўлиб, бундан кейин ҳам беш ташаббус доирасида    мунтазам тадбирлар ўтказиб борамиз.