Пресс-тур

     Бугун туман мудофаа бўлимида “Оқдарё овози” газетаси журналистлари иштирокида пресс-тур ташкил этилди. Унда туман мудофаа бўлими бошлиғи, майор Сардор Атабоев туманда мудофаа соҳасида яратилган шарт-шароитлар ҳақида маълумот берди:
   Бугунги кунда ёш авлодни она-Ватанга муҳаббат ва ҳарбий ватанпарварлик руҳида тарбиялаш масаласи долзарб вазифалардан бири ҳисобланади. Шу боисдан ҳам кейинги йилларда мамлакатимизда бу борада кўпгина ишлар амалга оширилмоқда. Жумладан туманимизда ҳам ёш йигит-қизларимизнинг ҳарбий соҳага бўлган қизиқишлари ортиб бораётганлиги қувончлидир. Жорий йилда 140 нафар ёшларимиз ҳарбий хизматга чақирилиши режалаштирилган бўлиб, ҳар ойда 25 нафар ёшлар муддатли ҳарбий хизматга жалб этилмоқда. Шунингдек, “Ёшлар дафтари”га киритилган 35 нафар ёшларимиз имтиёзли йўлланмалар асосида биринчи мавсумда 1 йиллик ҳарбий хизматга жалб қилинди.
       Прес-турда журналистлар туман мудофаа бўлимида яратилган шарт-шароитлар билан яқиндан танишиб, туман мудофаа бўлими масъулларидан ўзларини қизиқтирган барча саволларига жавоб олишди.