Қовжираган кўчатларнинг уволи кимга уради?

Мамлакатимизда ўтган йилнинг куз ойидан бошлаб, жорий йилнинг май ойига қадар кўчат экиш бўйича кенг ҳажмдаги ибратга лойиқ ишлар амалга оширилди. Хуш, экилган ниҳоллар парвариш қилинаяптими? Афсуски бу саволга Лойиш мисолида оладиган бўлсак ижобий жавоб топа олмайсиз. Узоққа бориб ўтирмайлик. Лойиш марказидаги истирохат боғининг кириш қисмига экилган кўчатларнинг хароб ҳолда эканлигини кўриб беихтиёр раҳмингиз келади. Сувсизликдан қовжираб бораётган бу ниҳолларга сув қўйиш наҳотки бирорта амалдорнинг эсига келмаса. Ахир туманда ободонлаштириш бошқармаси деган ташкилот раҳбари ва ходимлари нима иш билан шуғулланишаяпти деган савол ўз-ўзидан пайдо бўлади. Минг афсуски, айнан ободонлаштириш ишлари билан шуғулланадиган ташкилот раҳбарининг экилган кўчатларга умуман эътибор бермаётганлиги ачинарли ҳолдир. 
Хуллас, ҳозирги жазирама кунларда соат сайин қовжираб бораётган кўчатларни сақлаб қолиш учун зудлик билан суғориш ишларини амалга ошириш талаб этилади. Ёки, бунинг учун юқоридан махсус кўрсатма керакми, жаноб масъуллар?!