Tibbiyot xodimlarining ko'p yillik mehnatiga ustamalar to'lanishini bilarmidingiz?

O'zbekiston Respublikasi Vazirlar Mahkamasining qarori 21.12.2005-yildagi 276-son qarori bilan tasdiqlangan "O'zbekiston Respublikasi davlat muassasalari tibbiyot va farmatsevtika xodimlari mehnatiga haq to'lash tartibi va shartlari to'g'risida"gi  Nizomning 25-bandiga asosan vrachlarga, o'rta va kichik tibbiyot xodimlariga, sog'liqni saqlash barcha muassasalari farmatsevtika xodimlariga uzluksiz ish staji 5 yildan 10 yilgacha - tarif stavkasining 5 foizi miqdorda, uzluksiz ish staji 10 yildan 15 yilgacha - tarif stavkasining 10 foizi miqdorda, uzluksiz ish staji 15 yildan 20 yilgacha - tarif stavkasining 15 foizi miqdorda, oliy ma'lumotli hamshiralar uchun tarif stavkasining 20 foizi miqdorda, uzluksiz ish staji 20 yildan ortiq - tarif stavkasining 20 foizi, oliy ma'lumotli tibbiyot hamshiralari uchun tarif stavkasining 30 foizi miqdorda  ustamalar to'lanishi belgilangan.
Shuningdek, Nizomning 241-bandiga asosan qishloq vrachlik punktlarining umumiy amaliyot vrachlariga - tarif stavkasiga nisbatan 25 foiz miqdorda maxsus har oylik ustama belgilangan.
Bundan tashqari, O'zbekiston Respublikasi Vazirlar Mahkamasining 10.09.2016-yildagi "O'zbekiston Respublikasi tibbiyot tashkilotlari tuzilmasini yanada optimallashtirish va sog'liqni saqlash tizimi tibbiyot xodimlari mehnatiga haq to'lash tizimini takomillashtirish chora-tadbirlari to'g'risida"gi 292-son qarori 6-ilovasida xo'jalik bekalari uchun mehnatga haq to'lashning eng kam miqdorining 8,8 % miqdorida har oylik ustama belgilangan.
D.Ashurov,
tuman adliya bo'limi boshlig'i.