САВОЛ БЕРИНГ, ЖАВОБ БЕРАМИЗ

- Мен 30 йиллик стаж билан яқинда ёшга доир пенсияга чиқдим. Газетада ўқиб қолдим, биз каби ёшга доир пенсионерларга ҳам санаторийларга бепул йўлланма берилар экан, шу тўғрида бирор бир кўрсатма борми?
Олимжон Бегматов, 
Янгиравот -2 маҳалласи.
- Ногиронлар ва кексаларни бепул санатория-курорт йўлланмалари билан таъминлаш тарбиби тўғрисида"ги йўриқнома мавжуд.
Йўлланмалардан фойдаланувчи ногиронлар ва кексалар тоифасига қуйидаги шахслар киради:
-    уруш ногиронлиги ва қатнашчиларига тенглаштирилган шахслар;
-    ҳалок бўлган ҳарбий хизматчиларнинг бева хотинлари (бева эрлари);
-    республика аҳамиятига молик шахсий пенсия олувчи шахслар;
-    Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек Чернобиль ҳалокати сабабли ногирон бўлиб қолган шахслар;
-    Ядро полигонлари ва бошқа радиация-ядро объектларида ҳарбий хизматни ўтаган шахслар;
Йўлланмаларни бериш муддатлари ва тартиби:
а) ҳар йили (навбат асосида) уруш ногиронларига тенглаштирилган шахсларга;
республика аҳамиятига молик шахсий пенсия олувчи шахсларга;
Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек, Чернобиль ҳалокати сабаби ногирон бўлиб қолган шахсларга;
ядро полигонлари в бошқа радиация-ядро объектларида ҳарбий хизматни ўтаган шахсларга;
ёлғиз кексаларга;
б) икки йилда бир маротаба (навбат асосида):
уруш қатнашчиларига тенглаштирилган шахсларга;
ҳалок бўлган ҳарбий хизматчиларнинг бева хотинларига (бева эрларига);
I ва II гуруҳ ногиронлари, кўзи ожиз II гуруҳ ногиронини кузатиб борувчи шахсга;
в) санаторийларда бўш ўрин мавжуд бўлган тақдирда, навбат асосида, аммо 3 йилда 1 маротаба - ёшга доир пенсионерларга.