“ИНСОН” ИЖТИМОИЙ ХИЗМАТЛАР МАРКАЗИ ФАОЛИЯТИНИ БОШЛАДИ

Ўзбекистон Республикаси Президентининг 2023-йил 1-июндаги “Ўзбекистон Республикаси Президенти ҳузуридаги Ижтимоий ҳимоя миллий агентлиги фаолиятини ташкил этиш тўғрисида”ги
 ПҚ-176-сонли қарори ҳамда Ўзбекистон Республикаси Президентининг 2023йил 1июндаги  ПФ-82-сонли “Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида”ги Фармони қабул қилинди.
            Аҳолини манзилли ижтимоий ҳимоя қилишнинг асосий йўналишлари белгилаб олинди. 
Аҳолини манзилли ҳимоя қилишнинг асосий йўналишлари:
  • Комплекс ёндашув асосида профессионал ижтимоий ҳимоятизиминижорий қилиш
  • Ижтимоий ҳимоя тизими самарадорлиги ва манзиллилигини ошириш орқали аҳолининг кўмакка муҳтож қатлами ижтимоийлашувини таъминлаш
  • Ижтимоий ҳимояни маҳалла даражасигача ташкил этиш, оғир ҳаётий аҳволга тушиб қолган аҳолига индивидуал ёндашувга мувофиқижтимоий хизмат ва ёрдам кўрсатишни йўлга қўйиш
  • Аҳолининг ижтимоий суғурта механизмлари билан қамраб олинишини кенгайтириш
  • Хавф гуруҳларига тушиб қолган оилаларни аниқлаш ва комплекс ижтимоий хизматлар кўрсатиш орқали уларнинг оғир ижтимоий аҳволга тушиб қолишининг олдини олиш
  • Ногиронлиги бўлган шахсларнинг ҳаёт кечириши учун қулай муҳит яратиш
“Инсон” ижтимоий хизматлар марказлардаги ижтимоий ходимларнинг асосий вазифалари:
  • Ҳар бир хонадон аҳволини ўрганиб, оилалардаги ҳақиқий ҳолатни ҳамда уларнинг ижтимоий хизматлар ва ёрдамга бўлган эҳтиёжини аниқлаш;
  • Оилаларнинг иқтисодий-ижтимоий ҳолати ва эҳтиёжлариниўрганиш натижасида уларнинг ижтимоий паспортларини шакллантириш;
  • Эҳтиёжманд аҳоли билан, шу жумладан кейс-менежмент усулини қўллаган ҳолда самарали иш ташкил қилиш, улардан ижтимоий хизматлар ва ёрдам олиш бўйича буюртмаларқабул қилиш, заруратга қараб буюртмаларни масъул вазирлик ва идораларга юбориш;
  • Оғир аҳволга тушиб қолган ва оғир аҳволга тушиб қолиш хавфи юқори бўлган оилаларни мунтазам равишда мониторинг қилиб бориш, улар учун ижтимоий хизмат ва ёрдамларни ташкил этиш.
6 феврал куни Лойиш марказида “Инсон” ижтимоий хизматлар маркази туман бўлимининг очилишига бағишланган тадбир бўлиб ўтди. Бунда маҳалла фуқаролар йиғинларининг раислари, тегишли ташкилотлар ва меҳнат фахрийлари иштирок этишди. Туман ҳокими Шерзод Қудратов сўзга чиқиб, кейинги йилларда мамлакатимизда ижтимоий ҳимояга муҳтож аҳоли қатламини муҳофаза қилишга, уларга ғамхўрлик кўрсатишга жиддий эътибор берилаётганлиги ҳақида атрофлича фикр юритди. Тадбирда ўтганларнинг хотирасига Қуръон тиловат қилинди.Тадбир иштирокчилари марказда ходимлар учун яратилган шарт-шароитлар билан яқиндан танишдилар.
Бугунги кунда туманимизда 35 та маҳалла мавжуд бўлиб,  ижтимоий ҳимоя маркази ходимлари 32 189 та хонадон, 171 100 нафар аҳолига хизмат кўрсатади. Марказда хозирги кунда 15 нафар ходимлар фаолият кўрсатмоқда, яна 35 тамаҳаллага 18 нафарижтимоий ходим ишга қабул қилиниши режалаштирилган.
Ўз мухбиримиз. 
Суратларда тадбирдан лавҳалар акс эттирилган.