СИЗЛАРНИ УНУТМОҚ ОСОНМАС






   9 май – Хотира ва қадрлаш куни. Бу улуғ кунда  ҳамма қатори мен ҳам ўтган инсонларни кўз ўнгимдан ўтказаман. Улар орасида  бу фоний дунёдан кўз юмган катта ота-оналарим, қариндош яқинларим ҳам бор. Шу қаторда, ўзим санъат шайдоси эканлигим боис ҳозирда орамизда бўлмаган оқдарёлик санъаткорларни, маданият ходимларини бирма-бир ёд этсак, ҳар жиҳатдан тўғри деб ҳисоблайман. 
   Санъаткорлар сардори Акбар Муҳаммадиев, Отақул Ҳасанов, Фурқат Раҳимов, Юсуф Бобохўжаев, Тоштемир Хусанов, маданият ходимлари Исроил Саидкамолов, Равшан Машрабов, хонандалар Баҳодир Тожиев, Собир Носиров, Шуҳрат Бурхонов, Зокир Солоев, Мардон Гадоев, тасвирчи Абдусалом Бекмуродов, созандалар Алишер Мамадкаримов, Дўсан бобо, сўз усталари Султон ака, Қилич акалар, афсуски, бугун орамизда йўқ. Улар ўзларидан бир умрга ўчмас из қолдиришди. Қолаверса, уларнинг шу юрт, шу халқ учун кўрсатган беқиёс хизматлари асло унутилмайди.  Хотира ҳамиша улуғ ва муқаддасдир. Шундай экан, бу устоз санъаткорларнинг ёрқин хотираси Оқдарёликларнинг қалбида мангу яшайди.
   Худди шунингдек, Тожиев Баҳодир Эшқувватович 1986 йилнинг 7 май куни Оқдарё туманининг Истиқлол маҳалласи, Тангиравот қишлоғида туғилган эди. Бешавқат ўлим, шундай забардаст хофизни орамиздан олиб кетди. Агар Баҳодир ака ҳаёт бўлганларида бу йил эндигина 38 баҳорни қаршилаган бўларди.
  Илоҳим, жойлари жаннатда, руҳлари ҳамиша шод бўлсин!
                                                       Суннатулло ИБРАГИМОВ.