ХАЛҚ ДЕПУТАТЛАРИ ТУМАН КЕНГАШИНИНГ НАВБАТДАГИ СЕССИЯСИ

Жорий йилнинг 4 июнь куни Халқ депутатлари туман Кенгашининг навбатдаги ўттиз иккинчи сессияси бўлиб ўтди. Унда туман депутатлари, тегишли идора ва ташкилотлар масъуллари, маҳалла фуқаролар йиғинлари раислари ҳамда оммавий ахборот воситалари ходимлари иштирок этишди. Сессия ишини Халқ депутатлари туман Кенгаши раиси, туман ҳокими Нажмиддин Сулаймонов бошқариб борди.
Сессия ишида кун тартибига киритилган қуйидаги масалалар юзасидан масъулларнинг ҳисоботи тингланди:
1. Ўзбекистон Республикаси Президентининг "2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, "Ёшларни қўллаб-қувватлаш ва аҳоли саломатлигини мустаҳкамлаш йили"да амалга оширишга оид Давлат дастури тўғрисида"ги 2021 йил 3 февралдаги ПФ-6155-сон Фармони ижросини амалга ошириш бўйича Йўл харитасида белгиланган вазифалар ижроси тўғрисида туман ҳокимининг ўринбосари C.Луқмоновнинг ҳисоботи ҳақида;
2. Туман ҳудудининг барча кўрсаткичларини 2021 йил якуни билан сариқ ҳудуддан яшил ҳудудга олиб чиқиш, шунингдек, барча кўрсаткичларни 30 фоизга ошириб бажаришга қаратилган амалий чора-тадбирлар дастурини бажарилиши бўйича туман иқтисодиёт ва камбағалликни қисқартириш бўлими бошлиғининг ўринбосари Н.Идрисхоновнинг ҳисоботи ҳақида;
3. Ўзбекистон Республикаси қишлоқ хўжалигини ривожлантиришнинг 2020-2030 йилларга мўлжалланган стратегиясида белгиланган вазифаларни 2021 йилда амалга ошириш бўйича чора-тадбирлар дастурининг ижро этилиши ҳолати тўғрисида туман қишлоқ хўжалиги бўлими бошлиғи Ж.Мусурмоновнинг ҳисоботи ҳақида;
4. "Темир дафтари", "Аёллар дафтари" ва "Ёшлар дафтари"га киритилган оилалар, хотин-қизлар ва ёшларни қўллаб-қувватлаш ҳамда айримларини рўйхатдан чиқариш чоралари тўғрисида"ги туман сектор раҳбарларининг ҳисоботи ҳақида.
Сессияда кун тартибидаги масалалар депутатлар томонидан атрофлича муҳокама қилиниб, масалалар юзасидан тегишли қарор лойиҳалари қабул қилинди.