IJODKORLAR BILAN UCHRASHUV

47-IDUMda maktabning IMMB targ'ibotchisi Ch. Qurbonova hamda maktab kutubxonachisi N.Saydullayevalar tomonidan tumanimiz ijodkorlari bilan ijodiy uchrashuv tashkil etildi. Tadbirni mak-tab dirеktori D. To'g'izboyeva kirirsh so'zi bilan ochib berdi. "Oqdaryo ovozi" gazetasining bosh muharriri Y. Muhammadiyev, O'zbekiston Yozuvchilar Uyushmasi a'zosi, shoira O.Mamatova, iste'dodli ijodkorlar F.Ro'ziyev, N. Hasa-novlarning tashriflari o'quvchilarni quvontirdi. 
Tadbirda o'quvchilar ustoz shoir va yozuvchilar hayoti va ijodi haqida ma'lumotlar keltirib, she'rlaridan yoddan aytishdi. Tadbirda o'quvchilar tomonidan Y. Muhammadiyevning qalamiga mansub "Tuhmat girdobi" asaridan "Kontrakt puli" hikoyasi sahnalashtirilib,  namoyish etildi va tomoshabinlarning olqishlariga sazovor bo'ldi.  O'quvchilar tomonidan ijro etilgan kuy-qo'shiq va raqslar esa tadbirga o'zgacha zavq bag'ishladi. 
Eng quvonarlisi, tadbir so'ngida ustoz shoir va yozuvchilarning "Baxt va muvaffaqiyat" formulasi o'quvchilar uchun unutilmas saboq bo'ldi. 
  O'z muxbirimiz.