Unutilmas uchrashuv

8-maktabda   23-dekabr  kuni  "Dekabr - tarbiya  va   ijtimoiy  fanlar  oyligi"   yakuni  bo`yicha tuman miqyosida  festival  bo`lib   o`tdi.  Festival  dastur   rejasiga  ko`ra,  8-maktab 9-"B" sinfida  huquq   fani  o`qituvchisi  D.Xudoynazarovning  ochiq   darsi,  tuman  tarix-huquq   fan  o`qituvchilari  ishtirokida   "Zakovat"   intellektual  o`yinining  final   bosqichi  hamda  "Tarix -   ma`naviyat  ko`zgusi" nomli  tadbir   tashkil  etildi.  Tadbirda   Samarqand  viloyati   xalq   ta`limi  xodimlarini  qayta   tayyorlash  va  ularning   malakasini  oshirish  hududiy   markazi  ijtimoiy fanlar  kafedrasining   mudiri  G.Tagayev,  tuman   xalq  ta`limi bo'limi  mudiri   o`rinbosari   E.Jamilov,  tuman   XTB  kasaba  uyushma   raisi J.Xudoyqulov ishtirok   etishdi. 
Tadbirda maktabimiz o`quvchilari tomonidan  ma`naviyatimiz  ko`zgusi   bo`lgan  tarixiy  shaxslar siymosi sahnada  jonlantirildi, ular haqida ko`plab tarixiy  ma`lumotlar  berildi,   ona vatanni  madh  etuvchi   kuy-qo`shiqlar  ijro  etildi. Ayniqsa, "Yosh vatanparvarlar"  guruhining chiqishi davraga o`zgacha  jo`shqinlik  bag`ishladi. 
Tadbir   ko`tarinki   ruhda  o`tkazildi.  Ushbu tadbir davomida tarix-huquq  fani   o`qituvchilari o`rtasida tuman miqyosida o`tkazilgan  "Zakovat" intellektual  o`yinining   final  bosqichi  g`oliblari hamda "Mening Prezidentim"  tanlovida   g`olib  bo`lgan  o`quvchilar   xalq  ta`limi   kasaba    uyushmasi  tomonidan  esdalik   sovg`alari bilan  taqdirlandilar. "Mening  Prezidentim" insholar tanlovining tuman  bosqichida  1- o`rinni   30-maktabning  11-sinf  o`quvchisi   Shirinova  Gulhayo,  2- o`rinni   8-maktabning 10-sinf o`quvchisi Zopirova  Ozoda, 3-o`rinni 28-maktabning 10-sinf o`quvchisi Tursunmurodova  Sevinch  egallashdi.   Shu  bilan birgalikda 18 soatlik  malaka  oshirish   kurslarini tugatgan o`qituvchilar ham   Samarqand  viloyati   xalq   ta`limi  xodimlarini  qayta   tayyorlash  va  ularning   malakasini  oshirish  hududiy   markazi  ijtimoiy  fanlar   kafedrasining  mudiri  G.Tagayev   tomonidan  sertifikat  bilan   taqdirlandi. 
Tadbirda G.Tagayev bilan tumandagi umumta'lim maktablari taix-huquq fani   o`qituvchilari o`rtasida O`zbekiston   Respublikasi  Vazirlar  Mahkamasining   2021-yil 17-sentabrdagi maktabgacha, umumiy  o`rta,   o`rta  maxsus,  professional   va  maktabdan  tashqari   ta`lim  tashkilotlari  pedagog   kadrlarini  attestatsiyadan  o`tkazish   tartibini  takomillashtirish  chora-tadbirlari  to`g`risidagi   572-sonli  qarori  to`g`risida   suhbat  bo`lib o'tdi.  Suhbat   davomida  o`qituvchilar  o`zlarini    qiziqtirgan  savollarga  javob   oldilar.  
Dekabr - tarbiya  va   tarix-huquq  fanlari oyligi yakuni  bo`yicha  tashkil   etilgan  "Ta`rix  ma`naviyat   ko`zgusi"  nomli  festival    kunning  birinchi  yarmida   o`tkazilgan  bo`lsa,  kunning   ikkinchi yarmida fan oyligi doirasida   maktabimizning  sobiq  o`quvchilari   - hozirgi paytda Samarqand viloyati   hokimining  yoshlar  siyosati, ijtimoiy  rivojlantirish  va   ma`naviy-ma`rifiy  ishlar  bo`yicha o`rinbosari Xurshid  Ochilov,   Samarqand  Davlat  Universiteti   jahon  tarixi  kafedrasi   mudiri,  ikki  karra   Prezident  stependianti sovrindori  Shoxista  Hamraqulova, Samarqand shahridagi 1-IDUM hamda  Prezident  maktabining   tarix  fani  o`qituvchisi, Shuhrat  medali   sohibi  Dilrabo  O`rinovalar   bilan  motivatsion  uchrashuv   tashkil  etildi.  
Yuqorida nomlari qayd etilgan 8-umumta`lim  maktabining  sobiq   o`quvchilari  o`zlarining  maktabda   olgan  bilimlari  bilan   oliy  o`quv  yurtlariga   kirib,  bugungi  kunda   jamiyatimizning  turli  jabhalarida   faoliyat  olib  borayotganligi  haqida   ma`lumotlar  berdilar.  O`quvchilarga o`zlarining hayot  yo`llarini   tanlab  olishida, o`z  oldilariga   aniq  maqsad  qo`yib   ana  shu  maqsad   sari  olg`a  borishi   haqida o'z   fikr-mulohazalarini  bildirdilar. Oliy maqsadga  erishish  uchun esa a`lo  baholarga o`qish, harakat qilish,  tanlagan   sohasining  eng  zo`r   mutaxassisi  bo`lishi kerakligini  ta`kidlashdi.
Darhaqiqat, maktabimizning  sobiq o`quvchilari  bugungi kunda   respublikamizning  turli  jabhalarida,    turli  sohalarda ona Vatanimiz ravnaqi  uchun  o`z   hissalarini  qo`shib kelayotganliklari nafaqat, biz o'qituvchilarga, balki ushbu maktabda ta'lim-tarbiya olayotgan o'quvchilarimizga ham   faxr va  g`urur  baxsh etadi. Tadbir yakunida  so`zga   chiqqan  tuman  Xalq   ta`limi  bo`limi  mudiri   S. Ortiqova ham bu borada o`zining   iliq  fikrlarini  bildirib   o`tdi.  
Xulosa qilib aytadigan bo`lsak,  maktabimizda tashkil etilgan  fan oyligi    o`quvchi  yoshlarimiz   xotirasida   muhrlanib  qoladigan bo'ldi. Bu kabi motivatsion  uchrashuvlar  esa   o`quvchilarimizni   o`zlarining  hayot  yo`llarini   tanlab  olishlarida  ruhiy   dalda  bo`ladi, degan umiddamiz. 
Nodira ISLOMOVA,
       8-maktab tarix fani o'qituvchisi.