АҲОЛИНИ РЎЙХАТГА ОЛИШДА СИФАТНИ БОШҚАРИШ ДАСТУРИНИ АМАЛГА ОШИРИШ

Аҳолини рўйхатга олиш тадбирида сифатни бошқаришга, сифат рўйхатга олишнинг бутун дастурини реализация қилишни кенг контекстда ҳисобга олган ҳолда, яхлит тарзда таъминланиши керак. Рўйхатга олиш ишларини ташкил қилиш бир қатор функционал соҳалар вакилларининг иштирокини ва қўллаб-қувватланишини талаб қилади ва айнан шу мазмунда сифат талаблари, харажатларини тежаш, респондентларга тушадиган юк ва бошқа омиллар ўртасида мувозанатга эришиш мақсадида компромислар келишиб олинади. Бунинг учун, ишни билган ҳолда салмоқли хулосалар чиқаришга қодир бўлган, шунингдек сифатнинг турли жиҳатлари бўйича рақобатдош талабларни мувофиқлаштириш зарурлиги ва консенсусга эришиш учун бошқа омилларни ҳисобга оладиган мутахассислар жамланган ходимлар штати талаб қилинади. Рўйхатга олиш ишларининг кўп сонли жиҳатлари учун масъул бўлинмалар ҳам зарурий ихтисосликлар билимига эга бўлган мутахассислари билан тўлдирилиши керак. Ушбу бўлинмаларнинг ҳар бири сифатнинг кўплаб жиҳатларини ҳал қилувчи стратегияларни ишлаб чиқиш ва амалга ошириш билан шуғулланади. Улар ўз ишларида нафақат ўзларининг ваколатлари билан боғлиқ бўлган сифат масалаларига, балки бошқа бўлинмаларнинг тегишли масалалари билан ўзаро алоқаларига ҳам эътибор беришлари керак. Зарурий маълумотлар алмашинуви ва сифат масалаларини биргаликда кўриб чиқишни осонлаштирадиган стратегиялар ҳал қилувчи аҳамият касб этади.
Сифат масалаларига режалаштириш, амалга ошириш ва баҳолаш бошқичларида тегишли эътибор берилиши керак. Тармоқ мутахассислари мазмун, фойдаланувчиларнинг эҳтиёжлари, мувофиқлик ва изчиллик масалалари бўйича тезкор ёрдам беришга қодир. Статистика услубияти бўйича мутахассислар статистик усуллар ва уларнинг маълумотлар сифатига таъсири, айниқса аниқлиги, долзарблиги ва харажатлари билан боғлиқ масалаларда ёрдам беришади. Кузатув бўйича мутахассислар кузатув амалий усуллари соҳасида билимларга эга бўлиб, рўйхатдан ўтиш амалиёти ва иш самарадорлиги, майдон ходимлари ва жавоб берувчилар билан ишлаш, сифатни тезкор таъминлаш ва назорат қилиш билан боғлиқ масалаларни ҳал қилиш билан шуғулланади. Тизим мутахассислари технология стандартлари ва маълумотларнинг сифатини, айниқса, уларнинг долзарблиги ва аниқлигини таъминлашга ёрдам берадиган воситалар ҳақида билимга эга. Тармоқ мутахассислари билан ҳамкорликда тарқатиш бўйича мутахассислар маълумотларга кириш ва изоҳлашни таъминлашга ёрдам беради.