Самарқанд аэропортида маданий бойликларнинг олиб чиқилишининг олди олинди

16.04.2024, 11:28
ДОЛЗАРБ

0

1

2

3

4

5

“Самарқанд-Санкт-Петербург” авиарейси орқали учиб кетаётган фуқаро О.И. “Божхоначисиз назорат” тизими асосида божхона назоратидан ўтказилганида, қўл сумкасида йўловчи божхона декларациясида ёзиб кўрсатилмаган ва оғзаки сўровда маълум қилинмаган 2 дона 1860 ва 1881 йилларда зарб қилинган тангалар ҳамда 1 дона XX асрнинг биринчи ярмига тегишли қадимий қошиқ борлиги аниқланди.

Ҳолат юзасидан божхона ходимлари томонидан маъмурий ҳуқуқбузарлик тўғрисидаги баённома расмийлаштирилиб, тўпланган ҳужжатлар жиноят ишлари бўйича Самарқанд шаҳар судига юборилган.

Ҳозирда ушбу мандий бойликлар “Самарқанд” давлат музей қўриқхонага топширилган.

Маълумот учун, «Маданий бойликларнинг олиб чиқилиши ва олиб кирилиши тўғрисида»ги қонун ҳамда «Маданий бойликларни олиб чиқилиши ва олиб кирилиши тўғрисида»ги низом талабларига мувофиқ, эллик йил муқаддам ва ундан ҳам олдин яратилган маданий бойликларни Ўзбекистон ҳудудидан олиб чиқиш мумкин эмас.

Мавзуга оид: