КЎЧА БЕЗОРИСИ ЖАЗОЛАНДИ

Судланувчи Сирож Эрмонов, 2021 йил 20 октябрь куни соат 10:00 лар чамасида тумандаги "Турон" маҳалласидан ўтган "М-37" йўлининг 42 километрида ўзига тегишли бўлган "Дамас" русумли автомашинада ҳаракатланиб бориши давомида, шу йўналишда ҳаракатланиб бораётган, унга олдиндан нотаниш бўлган Фарҳод Азизов бошқарувида бўлган "Hyundai Porter" русумли автомашинани йўл бермаганлигини важ қилиб, жамиятда юриш-туриш қоидаларини қасддан менсимасдан, арзимаган сабабни важ келтириб тўхтатади. Ҳайдовчи Ф.Азизовни автомашинадан тушириб олиб, дастлабки тергов давомида аниқлашнинг имкони бўлмаган, амалдаги совуқ қурол сифатида фойдаланиши мумкин бўлган темирдан ясалган автомашина ғилдирак калити билан қу-ролланиб олиб, унинг безорилик жиноий ҳаракатларини олдини олиш чораларини кўрган фуқаро Муродов Насимни автомашина ғилдирак калити билан юз соҳасига қасддан уриб, унга "енгил соғлиқнинг бузилишига сабаб бўлган тан жароҳати" етказиб, безорилик жиноятини содир қилган.
Судланувчи Сирож Эрмонов Ўзбекистон Республикаси ЖК 277-моддаси 3-қисмининг "г" банди билан айбли деб топилиб, унга нисбатан 3 йил 6 ой муддатга озодликни чеклаш жазоси та-йинланди.
И.ДОНИЁРОВ,
жиноят ишлари бўйича туман 
судининг раиси.