ХАЛҚ ДЕПУТАТЛАРИ ТУМАН КЕНГАШИНИНГ СЕССИЯСИ

Кеча Халқ депутатлари туман кенгашининг қирқинчи сессияси бўлиб ўтди. Сессияга ташкилот, муассасаларнинг раҳбарлари, маҳалла фуқаролар йиғинларининг раислари таклиф этилдилар. Сессияни туман ҳокими, кенгаш раиси Нажмиддин Сулаймонов бошқариб борди. Депутатлар кун тартибидаги қуйидаги масалаларни кўриб чиқиб, муҳокама қилдилар.
1. "Темир дафтари",  "Аёллар дафтари" ва "Ёшлар дафтари"га киритилган оилалар, аёллар ва ёшларни қўллаб-қувватлаш ҳамда айримларини рўйхатдан чиқариш чоралари тўғрисида туман сектор раҳбарларининг ҳисоботи; 
2. Ўзбекистон Республикаси Президенти Ш.М.Мирзиёев раҳбарлигида 2021 йил 24 март куни ўтказилган видеоселектор мажлисининг 16-сонли Баённомасининг 7-банди ижросини таъминлаш юзасидан туман прокурори Д.Кўбаевнинг ҳисоботи тўғрисида;
3. Ўзбекистон Республикаси Президентининг "2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Ёшларни қўллаб-қувватлаш ва аҳоли саломатлигини мустаҳкамлаш йили"да амалга оширишга оид давлат дастури тўғрисида" 2020 йил 3 февралдаги ПФ-6155-сон Фармонини амалга ошириш бўйича Йўл харитасининг 125-банди ижросини таъминлаш юзасидан туман ҳокимининг ўринбосари Ш.Абдуллаевнинг ҳисоботи ҳақида;
4. Ҳудудда гендер тенгликни таъминлаш, хотин-қизларнинг ижтимоий-сиёсий фаоллигини ошириш, уларни ҳар томонлама қўллаб-қувватлаш борасида амалга оширилаётган ишлар тўғрисида туман ҳокимининг хотин-қизлар масалалари бўйича маслаҳатчиси Ф.Маликованинг ҳисоботи тўғрисида;
5. Молия вазирлиги ҳузуридаги Пенсия жамғармасининг туман бўлими бошлиғи ўринбосари К.Пўлатовнинг "Фуқароларнинг давлат пенсия таъминоти тўғрисида"ги Ўзбекистон Республикаси Қонунининг тумандаги ижроси юзасидан ҳисоботи ҳақида;
6. Сессияда ташкилий масала кўрилди. Унда Нодир Баҳодирович Маматкаримов туман ҳокимининг ўринбосари - инвестициялар ва ташқи савдо бўлими бошлиғи лавозимига тасдиқланди.
Сессияда кўрилган барча масалалар юзасидан тегишли қарорлар қабул қилинди.