ФИРИБГАРЛИКНИНГ ПАЙИ ҚИРҚИЛДИ

Судланувчи Н.С. алдаш ёки ишончини суиистеъмол қилиш йўли билан ўзганинг мулкини қўлга киритиш мақсадида, 2023 йил 7 март куни соат 14:00 ларда, фуқаро М.М.ни "Самарқанд Темирйўл транспорти" касб-ҳунар коллежига ўқишга киритишни олдиндан ваъда қилади. Алдов йўли билан унинг ишончига кириб, Самарқанд шаҳар касб-ҳунар коллежининг қоровулхонасида М.М.дан 6.834.000 сўмга тенг 600 АҚШ долларини фирибгарлик йўли билан қўлга киритган вақтида, ҳуқуқни муҳафаза қилувчи орган ходимлари томонидан ашёвий далиллар билан қўлга олинган ва у ўзининг ушбу жиноятини ўзига боғлиқ бўлмаган ҳолатларга кўра охирига етказа олмаган. 
Судланувчи Н.С.га Ўзбекистон Республикаси ЖКнинг 25,168-моддаси 1-қисми билан ҳар ойлик иш ҳақининг 15 фоизи давлат фойдасига ундириш шарти билан 1 йил муддатга ахлоқ тузатиш ишлари жазоси тайинланди.