KONSTITUTSIYANING YARATILISH TARIXINI Bilasizmi?

Konstitutsiya (lotincha: constitutio - "o'rnatish", "belgilash") - bu davlatning asosiy bosh qonuni. U davlat tuzilishini, hokimiyat va boshqaruv organlari tizimini, ularning vakolati hamda shakllantirilish tartibi, saylov tizimi, fuqarolarning huquq va erkinliklari, shuningdek, sud tizimini, advokatura, prokuratura sohalaridagi bilimlarni belgilab beradi. Konstitutsiya barcha joriy qonunlarning asosi hisoblanadi.
"Konstitutsiya" atamasi Qadimgi Rimdayoq bor edi (imperator kons-titutsiyasi deb atalgan qonun). Amir Temur "Tuzuklar"i Sharq va Osiyo mamlakatlari sivilizatsiyasiga xos alohida shakldagi konstitutsiyaviy hujjat xususiyatiga ega bo`lgan. Hozirgi zamon konstitutsiyalarga 1787-yilgi AQSH Konstitutsiyasi, 1831-yilgi Belgiya konstitutsiyasi, 1874-yilgi Shveysariya konstitutsiyasi qabul qilingan. O'zbekiston Respublikasida birinchi Konstitutsiya loyihasi o'n ikkinchi chaqiriq O'zbekiston Respublikasi Oliy Kengashining o'n birinchi sessiyasi muhokamasiga kiritilib, 1992-yil 8-dekabr kuni Bosh Qomusimiz qabul qilinib, shu kundan e'tiboran, 8-dekabr - umumxalq bayrami deb e'lon qilingan. O'zbekiston Respublikasida Yangi tahrirdagi konstitutsiya qabul qilingan bo'lib bu o'zgarish 2023-yilning 30-aprelidagi referendumdan so'ng qabul qilindi ( 2023-yil 1-maydan kuchga kirgan). Hozirgi O'zbekiston Respublikasida Yangi tahrirdagi konstitutsiyasi 6-bo'lim 27-bob 155- moddadan iborat.