"BESH TASHABBUS OLIMPIADASI"

Bugungi kunda yoshlarning bo'sh vaqtlarini mazmunli o'tkazish, ularni sportga jalb etish borasida ibratli ishlar amalga oshirilmoqda. O'zbekiston Respublikasi Prezidentining  "Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to'g'risida"gi qarori bu borada muhim ahamiyatga egadir. Ushbu qaror ijrosini ta'minlash hamda PF-60-sonli Farmoni bilan tasdiqlangan 2022-2026 yillarga mo'ljallangan Yangi O'zbekistonning taraqqiyot strategiyasi   67-moddasida belgilangan vazifalarni amalga oshirish maqsadida sportning shashka, yengil atletika, stol tennisi, mini-futbol, voleybol turlari hamda "Quvnoq startlar" bo'yicha Maktabgacha va maktab ta'limi vazirligi tizimidagi ta'lim muassasalari o'quvchilari o'rtasida "Besh tashabbus olimpiadasi" doirasidagi sport musobaqalarini o'tkazish tartibi belgilab berilgan.
Joriy yilning 11-14 sentyabr kunlari barcha joylardagi singari bizning Pichoqchi mahallasida ham "Besh tashabbus olimpiadasi"ning mahalla bosqichi musobaqalari o'tkazildi. Mahalla bosqichining barcha turlarida o'quvchilarimiz faol ishtirok etishib, quyidagi yutuqlarga erishdilar: Yengil atletikadan 10-"A" sinf o'quvchisi Shohjahon O'sarxonov, shaxmat bo'yicha 10-"A" sinf o'quvchisi Feruza Abbosovalar 1-o'rinni egallashdi. "Quvnoq startlar" musobaqasidan 4-"A" sinf o'quvchilari 1-o'rinni, 3-"B" sinf o'quvchilari 2 o'rinni, mini-futbol sport turidan 10- "A" sinf o'quvchilari g'oliblikni qo'lga kiritishib, tuman bosqichiga yo'llanmani qo'lga kiritishdi.