спортчи ёшлар

ЖАВОҲИР УМИДОВ ФАХРЛИ ЎРИННИ ҚЎЛГА КИРИТДИ

Спортга бўлган эътибор, ёшларни ҳар томонлама қўллаб-қувватлаш борасида олиб борилаётган ислоҳотлар натижасида туманимиз ёшлари спорт соҳасида кўплаб ютуқларни қўлга киритишмоқда. Жорий йил 11-16 март кунлари Наманган вилояти Чортоқ туманида ўтказилган Бел олиш ва уч кураши бўйича 2004-2005 йилларда туғилган ёшлар ўртасида Ўзбекистон кубоги мусобақасида 77 кг вазн тоифасида тумандаги 45-ихтисослаштирилган давлат умумтаълим мактабининг 10-синф ўқувчиси Жавоҳир Умидов 2-ўринни эгаллаб, жаҳон чемпионатига йўлланмани қўлга киритди.

Жавоҳир Умидовни ушбу муваффақият билан қутлаган ҳолда кейинги мусобақаларда улкан марраларни забт этишини тилаб қоламиз.

 Алихон МАЖИДОВ.