Qutlov SHUKRONA KUNINGIZ MUBORAK BO'LSIN! Loyish shaharchasi Mustaqillik mahallasida yashovchi Azim Muhammadiyevga!

Aziz va qadrli otajonimiz!

Sizni bugungi tavallud ayyomingiz bilan chin yurakdan muborakbod etar ekanmiz, Sizning bosib o'tgan hayot yo'lingiz biz farzandlaringiz va nevaralaringiz uchun ibrat ekanligini alohida aytib o'tishimiz lozim.

1976-yilda tuman markazidagi 45-maktabni "Oltin medal" bilan bitirib, 1977-1979 yillar Sovet Armiyasida xizmat qildingiz. 1981-1990 yillarda  Samarqand Davlat arxitektura va qurilish institutining qishloq xo'jaligi qurilishi fakultetida tahsil oldingiz. 1981-1995 yillar tuman mudofaa bo'limida harbiy komissar vazifasida faoliyat yuritib, 1995-1996 yillari Samarqand viloyat mudofaa ishlari boshqarmasi qoshidagi "Suvorovchilar maktabi"da katta tarbiyachi vazifasida ishlagansiz. Ayni paytda farzandlar va nabiralaringiz bag'rida keksalik gashtini surmoqdasiz.

Hurmatli va qadrli otajonimiz!

Shukrona kuningiz muborak bo'lsin. Bizning baxtimizga doimo sog' va salomat bo'lishingizni, yuz bilan yuzlashib, onajonimiz bilan birgalikda farzandlar nabiralar rohatini ko'rib yurishingizni Yaratgandan so'rab qolamiz.

Farzandlaringiz: O'g'lingiz Akbar, qizlaringiz Aziza va Saida.

ОҚ ҚУШЛАР

Дейишади оқ қушлар,

Вафони қаттиқ ушлар.

Оқ қушдаги садоқат,

Оқ қушда бўлар фақат.

Жуда қаттиқ хоҳласа,

Ким ҳам кўрмайди тушлар.

Уйқусида йўқласа,

Учиб келар оқ қушлар.

Улар қўниб, сузади,

Уйқунинг дарёсида.

Юрагингни эзади,

Муҳаббат соясида.

Ажралмас бир-биридан,

Воқиф барча сиридан.

Дардлашишдан зерикмас,

Бирга бўлишса шу бас.

Кутишмайди бойликни,

Суриштирмас ойликни.

Ҳадя қилар жуфтига,

Дарё, денгиз, сойликни.

Наҳрнинг ўртасида,

Кўринар икки нуқта,

Каттакон оппоқ юрак,

Сузиб юрар совуқда.

Шу пайтда уйғонсанг гар,

Эсингга келар тушлар.

Самода парвоз қилар,

Севишган жуфт оқ қушлар.

ОТАМНИНГ УЙИ

Бунчалар шинамсан, бунчалар азиз,

Остонанг юракка солинган бир из,

Сендан гўзал эмас энг ҳурлиқо қиз,

Отам иморати, отамнинг уйи.

Қийшайган дарвоза, ромлар бир хилда,

Қурилган жалалар тинмаган йилда,

Шопилни кўтарган куч бўлган белда,

Отам иморати, отамнинг уйи.

Эсимда шипга хўп қараб ётганим,

Эсимда вассалар санаётганим,

Болалик вақтимда айтмаётганим,

Отам иморати, отамнинг уйи.

Мени эслайсанми, эккан ёнғоғим,

Шохингдан йиқилиб чиққан оёғим.

Қалбимнинг четида мангу маёғим,

Отам ҳовлиси, отамнинг уйи.

Бу уйда неча жон талаш ётганмиз,

Гўё битта бўлиб, жойда қотганмиз,

Энг гўзал ҳаётни шунда тотганмиз,

Отам иморати, отамнинг уйи.

Шўх-шодон янграрди, тиним билмай куй,

Бу ҳовлида ўтган ўн еттита тўй.

Ўтган айтар эди мусиқали уй,

Отам иморати, ҳовлиси хушрўй.

Уйдан узилмасди одам оёғи,

Барчаси момолар берган сабоғи.

Тиним билмас эди қўшни тобоғи,

Отам иморати, отам уйига.

Тариқдай сочилиб кетдик барчамиз,

Бу уйда қолмади энди қаримиз.

Чириб кетмабдими томда харимиз,

Отам боларлари, отамнинг уйи.

Агар чирик бўлса, томлар очилар,

Ўрнига янгиси қўйиб қоқилар.

Яна олдингидай печка ёқилар,

Отамнинг печкаси, отамнинг уйи.

Чароғон бўлади хона, деворлар,

Узоқдан кўринар ромлардан шуъла.

Бу уйда янграгай янги ашула,

Отам иморати, набира уйи.

ҚОҒОЗ ВАРАҒИ

Вафодорим, ичингга,

Солдим, олам доғусин.

Ишонардим, кучингга,

Ютдинг одам оғусин.

Оддийгина бир варақ,

Сувга тушсанг букасан.

Гар юкинг оғир келса,

Букмасингдан чўкасан.

Одам кўтаролмаган,

Юкни ортдим елкангга.

Сўнг сувга улоқтирдим,

Сузиб кет, деб ўлкангга.

Энди эркин сузавер,

Чўкишингга вақтинг бор.

Орзуларим об кетдинг,

Демак, сенинг бахтинг бор.

Азим МУҲАММАДИЕВ.