"ОQDARYO BIOMED" ХИЗМАТИДАН АҲОЛИ МАМНУН БЎЛМОҚДА

Саломатлик - туман бойлик, деб бежизга айтмайди халқимиз. Дарҳақиқат, тана соғлом, руҳ тетик бўлса, ҳар қандай юмушни уддалаш ва муваффақиятли амалга ошириш мумкин. Шундай бўлсада, одамларимиз орасида ўз соғ-лигига эътиборсиз ёки касаллик мураккаб босқичга ўтгандагина шифокорга мурожаат қилиш ҳолатлари кўпроқ учрайди. Ахир, инсон ўз соғлиги ҳақида аввало ўзи ўйлаши, ғамхўрлик қилиши керак-ку. Шундай экан, аҳоли ўртасида тиббий маданиятни ошириш, одамлар ўртасида соғлом турмуш тарзи тамо- йилларини кенг тарғиб этиш нафақат тиббиёт соҳаси, балки бутун жамиятимиз олдидаги долзарб вазифадир.
Мамлакатимизда хусусий тиббий клиникалар очишга кенг имкониятлар яратиб берилаётганлиги, туманимизда ҳам хусусий тиббиёт муассасалари сони кундан-кунга кўпайиб бораётганлиги қу-вончлидир. Бу эса тиббиёт соҳасида соғлом рақобатни юзага келтириб, аҳолига тиббий хизмат кўрсатиш сифатини янада оширишда муҳим аҳамият касб этмоқда.
Туманимизда биринчилардан бўлиб 2019 йилдан ўз иш фаолиятини бошлаган "ОQDARYO BIOMED" тиббиёт маркази клиникаси ҳам ана шундай замонавий тиббиёт муассасаси ҳисобланади. Туманимиздаги ёш ва иқтидорли, тадбиркор шифокор Наврўз Маматов раҳбарлигидаги ушбу замонавий тиббиёт маркази "Ёшлар - келажагимиз" жамғармаси томонидан ажратилган 600 миллион сўмлик имтиёзли кредит асосида ўз иш фаолиятини бошлади. Бугунги кунда тиббиёт марказида аҳоли саломатлигини тиклаш, унга аниқ ташхис белгилаш ва касалликни даволаш учун барча шарт-шароитлар, замонавий тиббий асбоб-ускуналар яратилган бўлиб, ЭКГ, УТТ текшириш турлари, замонавий лаборатория, физиотерапия, терапевт, невропатолог, гинеколог, кордиолог, ревматолог бўлимларида олий тоифали ва тажрибали шифокорлар аҳолига намунали хизмат кўрсатишмоқда.
Марказда хизмат кўрсатаётган 18 нафар ишчи ходимларнинг 4 нафарини олий тоифали шифокор, 6 нафарини олий тоифали ҳамширалар ташкил этади. Айниқса, тажрибали шифокорлардан терапевт Ўткир Тўхтаев, гинеколог Муҳаббат Саидова, невропатолог Хуршид Истатов, врач лаборант Умрзоқ Раббимов ҳамда УЗИ аппарати шифокори Хушнуд Муҳаммадиевларнинг халқимизга намунали хизмат кўрсатаётганликларини алоҳида тилга олиб ўтсак арзийди. Шунингдек, ушбу тиббиёт марказида 30 кишига мўлжалланган стационар хизматидан ҳам аҳоли бениҳоя мамнун бўлмоқда.
Шуни алоҳида таъкидлаш керакки, жорий йилнинг 5-6-7 март кунлари "ОQDARYO BIOMED" тиббиёт марказида туманимиз аҳолиси учун бепул тиббий кўрик ўтказилди. Бунда туманимизнинг 600 дан зиёд фуқаролари тиббий кўрикдан ўтказилди. Бу эса туманимиз аҳолисининг саломатлигини сақлаш ва муҳофаза қилиш борасидаги хайрли ва савобли ишлардан биридир. Зеро, халқимиз саломатлиги, келажаги йўлида қилинган ҳар қандай эзгу мақсад юксак инсоний фазилатдан далолатдир.