БОЛАЛАР НАФАҚАСИ ЁКИ МОДДИЙ ЁРДАМНИ ТЎЛАШ ТАРТИБИ ҚАНДАЙ?

Кам таъминланган оилаларга болалар нафақаси ёки моддий тайинланиши учун фуқаролар ўзини-ўзи бошқариш органларига мурожаат қилади ҳамда тегишли ҳужжатларни (паспорт нусхаси, туғилганлик ҳақидаги гувоҳнома нусхаси ҳамда никоҳ қайд этилганлик гувоҳнома нусхаси) тақдим этади. Фуқаролар томонидан тақдим қилинган ҳужжатларни ҳар ойнинг 19 санасигача ўзини-ўзи бош-қариш органлари томонидан туман пенсия жамғармасига тақдим этади. Пенсия жамғармаси ходимлари ҳар ойнинг 26 санасигача "Ижтимоий ҳимоя ягона реестри" ахборот тизими дастурига тўлиқ киритилишини таъминлайди. 
Вазирлар Маҳкамасининг 2021 йил 21 октябрдаги 654-сон қарорига асосан, "Ижтимоий ҳимоя ягона реестри" ахборот тизими орқали кам таъминланган оилалар болалари учун нафақа ва моддий ёрдам тайинланади ҳамда кам таъминланган оилаларга болалар нафақаси ёки моддий ёрдам АТ "Халқ банки"нинг туман бўлими орқали нақд пул шаклида ёки пул маблағларини нақд пулсиз ўтказиш йўли билан фуқароларнинг банк ҳисобварақлари (пластик карталари) орқали тўланади.
Электрон тўлов рўйхат (ведомост)лари ҳар ойнинг 4-санасига қадар "Ягона реестр" ахборот тизими орқа-ли АТ "Халқ банки"нинг туман бўлимига тақдим этилади.
Кўрсатилган муддатнинг охирги куни байрам ва дам олиш кунларига тўғри келадиган бўлса, электрон тўлов рўйхат (ведомост)лари кейинги 2 иш куни мобайнида АТ "Халқ банки"нинг туман бўлимига тақдим этилиши мумкин.
Тўловнинг ўтган ойида олинмаган болалар нафақаси ёки моддий ёрдам суммаси тўловнинг жорий ойи тўлов рўйхатларига киритилади ҳамда тайинланган, бироқ ўз вақтида олинмай қолган тўловлар ўтган давр-ларда ҳисобланган миқдорларда бутун давр учун, бироқ болалар нафақаси ёки моддий ёрдамни олиш муддати тугаганидан кейин уч ойдан ортиқ бўлмаган муддатда бир йўла тўланади.