МАҲАЛЛАЛАРДА ТАРҒИБОТ ТАДБИРЛАРИ БЎЛИБ ЎТДИ

   Жорий йилнинг 1 апрель куни Кумушкент МФЙда  "Тинчликни сақлаш барчанинг бурчидир " мавзусида  навбатдаги тадбир бўлиб ўтди. Ушбу тадбирнинг  фаол ва  кўркам  хонадонларда ташкил этилганлиги  ўзига хос мазмун ва ибрат намунасини кашф этди. 
   Тарғибот гуруҳининг навбатдаги тадбири  Суғончи МФЙда бўлиб ўтди. Маҳалла хотин-қизлари билан ташкил этилган ушбу тадбир "Жаҳолатга қарши маърифат билан курашиш", "Миллий қадриятларимизнинг ҳаётимизда тутган ўрни", "Она сути фазилатлари" мавзусига бағишланди.
   Шунингдек, Темирак МФЙда ҳам "Миллий либос - маънавият кўзгуси" мавзусида тадбир бўлиб ўтди.
  Ўтказилган тадбирларда туман тарғибот гуруҳи раҳбари Д. Адилова,  диний ишлар бўлими раҳбари А. Насимов, туман отинойилар раҳбари Ш. Ҳакимовалар иштирок этиб, ўзларининг фикр-мулоҳазаларини билдирдилар. 
   Маҳаллаларда ўтказилган тадбирлар кўтаринки ва ижодий кайфиятда ўтди. Саҳнада қўшиқлар, алёрлар,  шеърлар,  ватан тинчлиги,  фаровон ҳаёт учун шукроналик изҳорлари янгради. 
   Маълумки, Рамазон ойи меҳр-саховат, мурувват ойидир. Шу боисдан туманимиздаги  эҳтиёжманд, ногиронлиги бор, боқувчисини йўқотганлар хонодонларига бориб,  ҳолидан хабар олиш мақсадида саховатпеша туманимиз   отинойилари томонидан пул ва озиқ-овқат   эҳсонлари тарқатиб келиш тадбирлари ҳам амалга оширилмоқда.