"ОНЛАЙН"дан "АЙНАЛАЙ"

Ҳа, тумандаги Ойтамғали маҳалласига қарашли Говбанд, Пилол ва Чим қишлоқларига бориб қолсангиз, уй бекаларининг ана шундай миннатдорона  сўзларини эшитасиз. Дарҳақиқат, туман газ ҳудудий бўлими ташаббуси билан куз кириши билан хонадонларда "Онлайн" газ ҳисоблагич ишлари бошлаб юборилган эди. Газчилар янги йилни ютуқ билан қарши олишди. Қисқа вақт ичида газ идораси ходимлари Говбанд қишлоғидаги 125 та, Пилол қишлоғида 98 та ва Чим қишлоғида 58 та хонадонга онлайн газ ҳисоблагич ўрнатиб бўлишди.
Бу тадбирни тез ва сифатли амалга оширишда туман газлаштириш идорасининг масъул ходимлари Раҳматилла Очилов, Комилжон Сувонов ва пайвандчилардан Шаҳбоз Аҳмедов, Ҳумоюн Аҳмедовларнинг ҳиссалари салмоқли бўлди. Бу янгиликнинг қулайлиги шундаки, эндиликда айрим устаси фаранглар томонидан моторли газ тортувчи мосламаснинг ўрнатилишини олди олинган бўлса, иккинчи томондан одамларнинг банкка бориб-келиш, навбатда туриш каби қимматли вақтларини кетишини олди олинди.
Бундай қулайликлардан газ истеъмолчилари беҳад миннатдор бўлишмоқда. Бу қулай тадбир газ истеъмолчиларига янги йилда муносиб совға бўлди.