Савол беринг, жавоб берамиз ПЕНСИЯ ТАЙИНЛАШ ТАРТИБИ ҚАНДАЙ?

Саволларга бюджетдан ташқари пенсия жамғармаси туман бўлими бошлиғи Бахтиёр Норқулов
жавоб беради.
- Пенсия тайинлаш учун онлайн мурожаат қилиш тартиби қандай?
- Бугунги кунда ёшга доир, ногиронлик ва боқувчисини йўқотганлик пенсияларини олиш ҳуқуқига эга бўлган фуқаролар уларга пенсия тайинланиши учун Ягона интерактив давлат хизматлари портали (ЯИДХП) орқали (онлайн) мурожаат қилишлари мумкин.
Яъни фуқаро ўзига тегишли бўлган (OneID) Ягона идентификация тизими орқали https://my.gov.uz/oz/service/975 ҳавола орқали пенсия тайинлашни сўраб мурожаат қилишлари мумкин.
Шунингдек онлайн хизматдан фойдаланиш имконияти бўлмаган фуқаролар Давлат хизматлари маркази ёки туман (шаҳар) Пенсия жамғармаси бўлимига ташриф буюрган ҳолда мурожаат қилишлари мумкин.
- Иш стажига эга бўлиш учун ўзимни ўзим банд қилган шахс сифатида 2020 йилдан буён ижтимоий солиқ тўлаб келяпман. Пенсияга чиқиш вақти келганда тўлаган ижтимоий солиқларим тўғрисидаги маълумотлар қандай олинади?
- Бугунги кунда Пенсия жамғармаси томонидан пенсия тайинлашда фуқароларнинг маълумотлари тегишли вазирлик ва идораларнинг ахборот тизимларидан олинади.
Жумладан, ўзини ўзи банд қилган шахс 2020 йилдан буён ижтимоий солиқ тўлаб келаётган бўлса, ушбу маълумотлар Пенсия жамғармаси томонидан Солиқ қўмитасининг марказлаштирилган электрон реестри базасидан электрон сўров юбориш орқали олинади.