Фирибгарлар жазосини олди

Судланувчи Тошева Дилфуза Мардоновна, Ўзбекистон Республикаси Давлат солиқ қўмитаси ҳузуридаги Кадастр агентлиги Давлат кадастрлар палатасининг Самарқанд вилоят бошқармаси Оқдарё туман филиали кадастр йиғма жилдларини тайёрлаш бўлимида кадастр муҳандиси вазифасида ишлаб келиб, ўзининг хизмат мавқеидан фойдаланиб, ўзганинг мулкини фирибгарлик, яъни алдаш ёки ишончини суиистеъмол қилиш йўли билан талон-торож қилиш мақсадида, 2024 йил январь ойини охирларида унинг ёнига Оқдарё тумани, "Пахтаобод" МФЙга қарашли, "Мустақиллик" қишлоғида яшовчи фуқаролар Каримова Зуҳра Тоштемировна ва Қўлдошева Жамила Улуғбековналарга тегишли бўлган турар жой биноларини сотиб олиш учун келган Тўйчиева Нилуфар Синдаровнага ушбу турар жой биноларини нотурар жой тоифасига ўтказгандан сўнг, кадастр йиғма жилди ҳужжатларини тайёрлаб беришига ишонтириб, хизмат вазифаларига фуқаролардан нақд пулларни олиб қолиш кирмасада, гўёки кадастр ҳужжатларини тайёрлаш учун кетаётган харажатлар учун Н.С.Тўйчиевадан 2024 йил 8 февраль куни махсус кимёвий ишлов берилган 12.550.000 сўм пулларни ўзининг хизмат хонасида олган вақтида Департаментнинг Оқдарё туман бўлими ва Самарқанд вилоят ИИБ ТҚХ ЖҚБ коррупция ва иқтисодий жиноятларга қарши курашиш бўлими ходимлари томонидан ушланиб, ундан жами 12.550.000 сўм пуллар тегишли тартибда ҳужжатлаштириб олинганлиги натижасида ўзига боғлиқ бўлмаган ҳолда ушбу жиноятни охирига етказа олмаган.
Судланувчи Тошева Дилфуза Мардоновнага Ўзбекистон Республикаси ЖК 25,168-моддаси 3-қисмининг "в" банди билан, Ўзбекистон Республикаси ЖКнинг 45-моддасини қўллаб, 1 (бир) йил 6 (олти) ой муайян ҳуқуқдан, яъни Ўзбекистон Республикаси Давлат солиқ қўмитаси ҳузуридаги Кадастр агентлиги Давлат кадастрлар палатаcида муҳандис вазифасида ишлаш ҳуқуқидан маҳрум қилиниб, ҳар ойлик иш ҳақининг 20 фоизи миқдорида давлат даромади ҳисобига ушлаб қолган ҳолда 2 (икки) йил ахлоқ тузатиш ишлари жазоси тайинланган.