Ногиронлиги бўлган фуқаролар нафақаси оширилди

Барчамизга маълумки, 2022 йил 17 февралда Ўзбекистон Республикаси Президентининг "Ногиронлиги бўлган шахсларни ҳамда ахолининг ижтимоий ҳимояга муҳтож қатламларини қўллаб-қувватлашнинг қўшимча чора-тадбирлари тўғрисида"ги Фармони қабул қилинди. Мазкур Фармонга асосан 1 апрелдан ногиронлик нафақалари ва иш стажи тўлиқсиз чоғдаги ногиронлик пенсиялар миқдори оширилди ҳамда 18 ёшгача ногиронлиги бор болаларни парваришловчи шахсларга нафақа тайинлаш тартиби белгиланди.
Президент фармонига мувофиқ, апрель ойидан бошлаб ногиронлиги бўлган шахсларга тайинланадиган нафақаларнинг миқдорлари бирхиллаштирилди. Доимий парваришга муҳтож 18 ёшгача болаликдан ногиронлиги бўлган болаларни парвариш қилувчи шахсларга янги нафақа жорий этилади.
Олдинги тартибга кўра, болаликдан ногирон бўлган шахсларга 622 минг сўм миқдорда нафақа тўланаган. Иш стажига эга бўлмаган умумий касаллик оқибатида ногирон бўлиб қолган шахсларга эса 440 минг сўм нафақа бериган. Энди ногирон бўлиб қолиши муддатидан қатъи назар,ногиронлиги бўлган шахсларга бир хил миқдорда 622 минг сўмга тенг нафақа тайинланиб борилади.
Ногирон бола парваришлаётган
оналар учун...
Маълумки ногиронлиги бўлган фарзандини парваришлаётган оналар ишлаш имкони бўлмайди. Шу сабаб бундай оилалар моддий томонлама етишмовчиликларга дуч келиши мумкин. Янги фармонга мувофиқ, ногиронлиги бўлган болаларнинг парваришлаётган оналарга ҳам янги нафақа жорий этиляпти. Яъни доимий парваришга муҳтож бўлган 18 ёшгача ногиронлиги бўлган болаларни парвариш қилувчи она(ота)ларга минимал  истеъмол харажатлардан кам бўлмаган миқдорда 500 минг сўм ногирон бола парвариши учун янги нафақа жорий этилмокда.
Хўш, бу масалада қаерга 
мурожаат қилиш керак?
Парваришлаш нафақасини олиш учун фуқаролар Давлат хизматлари марказига ёки Ягона интерактив давлат хизматлари порталига мурожат қилишлари керак. Ана шу мурожаат асосида бюджетдан ташқари Пенсия жамғармасининг туман ёки шахар бўлимлари томонидан тайинланади ва тўланади. Парваришлаш нафақасини тўлаш ва етказиб бериш харажатлари республика бюджети маблағлари ҳисобидан қопланади.
Маълумотлар электрон шаклда тақдим этилиб, тиббий-ижтимоий хизматларни ривожлантириш агентлиги Соғлиқни сақлаш вазирлиги билан биргаликда 2022 йил      1 апрелдан бошлаб ўзгалар парваришига муҳтож болалар 1 октябрдан бошлаб уларнинг қонуний вакиллари тўғрисидаги маълумотларни бюджетдан ташқари Пенсия жамғармасига электрон шаклда тақдим этиб боришади. Бундан ташқари, жорий йилнинг октябрь ойидан бошлаб 18 ёшгача ногиронлиги бўлган болалар ва одамнинг иммунитет танқислиги вируси келтириб чиқарадиган касалликка чалинган 18 ёшгача тўланадиган нафақаларини ҳамда парваришлаш нафақасини фуқаролардан қўшимча ҳужжатларни талаб этмаган ҳолда "проактившаклда" тайинлаш тизими жорий этилади.
Унутманг! Парваришлаш нафақаси фақат 18 ёшга тўлмаган,болаликдан ногирон бўлган болаларни парвариши билан банд шахсларга тўланади.