“Оқдарё овози” бонг уради АЙТСАМ ТИЛИМ, АЙТМАСАМ ДИЛИМ...

Туманимизнинг марказий кўчаси кенгайтирилиб, автотранспорт ва йўловчилар учун ҳар томонлама шарт-шароит яратилганлиги,  кўчанинг замонавий қиёфа касб этганлиги барчани қувонтиради. Лекин, не-не яхши ният билан йўл четидаги кўкаламзорлаштириш учун ажратилган ер майдонлари айни пайтда қақраб, қаровсиз аҳволда ётганлиги, айниқса, тизза бўйи ёввойи ўт билан қопланганлиги аянчлидир. Бу ҳам етмагандек, ушбу ерни суғориш учун қурилган сув насослари одамлар томонидан босиб, янчиб ташланганлигини қандай баҳолаш мумкин?
  Наҳотки, маҳалла мутасаддилари икки йилдирки, бу манзарани кўришмаётган бўлса? Ёки, туман ҳокимлиги ва маиший хизмат уйи биноларининг шундоққина ёнидаги катта кўча бўйлаб ўсиб ётган ушбу ёввойи ўтларни йўқ қилиш, қаровсиз ерларни ободонлаштириш учун юқоридан бирор бир кўрсатма керакмикан? Қачонгача ўзибўларчилик, боқибеғамлик каби иллатлар давом этади?  
  Сиз бунга нима дейсиз, туманимизнинг масъул раҳбарлари?