Инсон ва қонун АЛИМЕНТДАН БЎЙИН ТОВЛАГАН ШАХС ЖАЗОЛАНДИ

Судланувчи Мардонов Насим (исми-шарифи ўзгартирилган), фуқаролик ишлари бўйича Пайариқ туманлараро судининг 2020 йил 23 декабрь кунидаги суд буйруғига асосан 02.01.2018 йилда туғилган фарзанди Камолани вояга етгунига қадар моддий таъминоти учун ҳар ойлик иш ҳақи ва бошқа даромадларининг тўртдан бир қисми миқдорида алимент пулларини тўлаб бериши белгиланган. Шунга қарамасдан, у турмуш ўртоғи М.Ш.Санаеванинг фойдасига тўлаб бериши лозим бўлган алимент пулларини 2020 йил ноябрь ойидан 2023 йилнинг февраль ойига қадар бўлган  даврлар учун ҳисобланган жами 20.487.347 сўм алимент пулларидан бўлган қарздорликни тўлаб беришдан қасддан бўйин товлаб келган. Шу боисдан Насим Мардонов 16.02.2023 йил куни жиноят ишлари бўйича Оқдарё туман суди томонидан Ўзбекистон Республикаси МЖтК 474-моддасининг 1-қисми билан ҳуқуқбузар деб топилиб, унга нисбатан 15 сутка маъмурий қамоқ жазоси тайинланган. У ўзига нисбатан тайинланган 15 сутка маъмурий қамоқ жазосини ўтаб чиққан бўлишига қарамасдан, бу жазолардан ўзига тегишли хулоса чиқармади. Негаки, Н.Мардонов бир нафар вояга етмаган фарзандининг моддий таъминоти учун 2023 йилнинг февраль ойидан 2023 йилнинг август ойига қадар бўлган даврлар учун ҳисобланган жами 6 ой учун 6.317.993 сўм алимент пулларини ҳам қасддан тўламасдан келиб, моддий таъминлашдан бўйин товлашда ифодаланган жиноятни қасддан содир қилган.
Судланувчи Насим Мардонов, Ўзбекистон Республикаси ЖК 122-моддасининг 1-қисмида назарда тутилган жиноятни содир этганликда айбли деб топилиб, унга нисбатан 6 ой муддатга озодликдан маҳрум қилиш жазоси тайинланди.                          
Жалолиддин ХУДОЙБЕРДИЕВ,
туман прокурори катта ёрдамчиси, 3-даражали юрист.