БАЙРАМОНА НИШОНЛАНДИ

"Янгиравот-1" МФЙда жойлашган 12-сонли мактабгача таълим ташкилотида 1 июнь - Халқаро болаларни ҳимоя қилиш кунига бағишлаб байрамона тадбир ўтказилди. Тадбирни мактабгача таълим ташкилоти директори З.Имомова кириш сўзи билан очиб, ота-оналар, устоз ва тарбиячиларни, жажжи ўғил-қизларни байрам билан самимий табриклаб, мамлакатимизда болаларимизнинг ҳар томонлама мукаммал бўлиб вояга етиши учун яратиб берилган шарт-шароитлар, ғамхўрликлар ҳақида алоҳида тўхталиб ўтди.
Тадбирда жажжи ўғил-қизлар ўзларининг она-Ватан, болалик ва тинчликни мадҳ этувчи шеърлари, куй ва қўшиқлари ҳамда рақслари билан иштирок этишиб, байрам шукуҳига шукуҳ қўшишди.