ИЖОДКОР ТАРҒИБОТЧИЛАР БАҲСИ

“Оқдарё овози” газетаси  бу йил ўзининг шонли 90 йиллик юбилейини нишонлайди. Бу санага таҳририят ижодкорлари қизғин ҳозирлик кўришмоқда. Газета юбилейга бағишлаб турли  кўрик-танловларнинг ўтказилаётганлиги эътиборга лойиқдир.
Бугун газетанинг 90 йиллиги юбилейи муносабати билан таҳририят қошида фаолият юритаётган “Навниҳол” ижодий клуби аъзолари ва мактабларда фаолият кўрсатаётган ижодий-маънавий   масалалар бўйича тарғиботчилар ўртасида  танлов ўтказилмоқда. Танловда ўзининг шеърлари билан элга танилган Аслиддин Файзиев, Фарход Рўзиев, Наврўз Ҳасанов, Чарос Қурбонова, Дилафрўз Тўғизбоева, Тўлғаной Гадоева сингари ижодкорларнинг иштирок этаётганлиги кўрикни нуфузини янада оширмоқда.  “Шерюраклар” номи билан аталувчи мазкур  танловда жюри ҳайъати томонидан ғолиблар аниқланиб, уларга газета таҳририяти  ва туман ҳокимлиги томонидан  эсдалик  ва қимматбаҳо совғалар топширилади. Айни пайтда танлов  қизғин давом этмоқда.
Суратларда: тадбирдан лавҳалар.