ҚУТЛОВ 75 ЁШИНГИЗ МУБОРАК БЎЛСИН! Лойиш шаҳарчасининг Мустақиллик маҳалласида яшовчи Равшан Туймаевга!

Ҳурматли Равшан Туймаев!

Сиз ўрта мактабни битириб, Самарқанд қишлоқ хўжалиги механизациялаш техникумини ўқидингиз ва Ватан олдидаги йигитлик бурчингизни аъло даражада бажариб, 1970-1986 йилларда туман "Сельхозтехника" ташкилотида турли масъул вазифаларда самарали меҳнат қилдингиз. Буни ўрта ва кекса авлод вакиллари яхши эслашади. 1986-1988 йилларда эса "Гулистон" жамоа хўжалигида бош муҳандис сифатида самарали фаолият кўрсатиб қишлоқ хўжалик экинларидан юқори ҳосил етиштиришга катта ҳисса қўшдингиз. Буни хўжалик меҳнат аҳли ҳозиргача эътироф этишади. 1988-2008 йилларда туманимиздаги "Политехника" коллежида директор ўринбосари вазифасида самарали фаолият кўрсатиб ўзингизнинг тажрибангизни, маҳоратингизни ёш авлодга ўргатдингиз. Айни пайтда ўнлаб, юзлаб шогирдларингиз юртимизнинг турли соҳаларида самарали меҳнат қилишмоқда ва сиздан миннатдор бўлишмоқда. 

Қадрдонимиз Равшан Туймаев!

Бугун сиз учун катта шодиёна, қувончли кун. Ўзингизнинг 75 ёшингизни оила аъзоларингиз, дўстларингиз ва қадрдон укаларингиз билан нишонламоқдасиз. Фурсатдан фойдаланиб, сизни туғилган кунингиз билан қутлар эканмиз, фарзандларингиз, набираларингиз ва дўстларингиз бахтига ҳамиша омон бўлинг деймиз! Юз билан юзлашиш сизга насиб этишини Яратгандан сўраймиз.

Сизга ҳурмат билан:

Бир гуруҳ қадрдон дўстларингиз ва меҳрибон укаларингиз.