Қарор ва ижро ХАЙРИЯ ТЎПЛАШ ЎН КУНЛИГИ ЎТКАЗИЛАДИ

 Ўзбекистон Қизил ярим ой жамиятининг мақсад ва вазифаларини рўёбга чиқариш учун қулай шарт-шароитлар яратиш, фавқулодда вазиятлар юз берганда аҳолига биринчи тиббий ёрдам кўрсатиш, аҳолининг ижтимоий муҳтож қатламлари, ёлғиз кексалар, ногиронлар ва кам таъминланган оилаларга тиббий-ижтимоий ёрдам ва хайр-саховат кўрсатиш ишларини янада жонлантириш мақсадида туман ҳокимининг 2023 йил 7 ноябрдаги 216-7-92-Q/23-сонли қарорига кўра 2023 йил 10 ноябрдан 19 ноябрга қадар Ўзбекистон Қизил ярим ой жамияти ҳисобига хайрия тўплаш ўн кунлиги ўтказилади.
   Ушбу қарор ижросини таъминлаш юзасидан Оқдарё туман жамғармасига хайрия тўплаш ўн кунлигини ўтказиш бўйича ишчи гуруҳ таркиби ва чора-тадбирлар режаси тасдиқланди. Шунга кўра Ўзбекистон Қизил ярим ой жамияти туман ташкилоти билан биргаликда ҳудудларда фаолият кўрсатаётган корхона, муассаса ва ташкилотлар ҳамда маҳалла фуқаролар йиғинларида хайрия тўплаш ўн кунлигини юқори савияда ташкил этиш мақсадида:
    Хайрия ўн кунлиги давомида турли хил тадбирлар, марафонлар ўтказиш, маҳалла фуқаролар йиғинлари ва ўқув муассасаларида халқаро инсонпарварлик ҳуқуқий билимларини тарғиб қилиш ҳамда меҳр-шафқат хизмати ҳамшираларининг аҳоли орасида беғараз донорликни тарғиб қилиш кўзда тутилган.