ЧОРВАЧИЛИКНИ РИВОЖЛАНТИРИШ – ДОЛЗАРБ ВАЗИФА

Эл дастурхонини чорвачилик маҳсулотлари билан таъминлаш бугунги кундаги энг муҳим вазифалардан бири ҳисобланади. Чунки ҳар бир хонадонда гўшт, сут ва тухум маҳсулотларини етиштириш борасида давлатимиз томонидан бир қатор қарорлар қабул қилиниб ҳаётга тадбиқ этилаяпти. Албатта бу борада туманимизда олиб борилаётган ишлар ҳам яққол сезилмоқда. Аҳоли хонадонларида боқилаётган қора молларни парваришлаш, мавжуд чорвачиликка ихтисослашган фермер хўжаликларида маҳсулот етиштиришни кўпайтириш учун астойдил ҳаракат қилинаяпти.
Бугун “Оқдарё овози” газетаси таҳририятида бўлиб ўтган матбуот анжуманида туман ветеринария ва чорвачиликни ривожлантириш бўлимининг бошлиғи Фарҳод Эргашев журналистларнинг барча саволларига жавоб бериб, келгусида амалга оширилиши лозим бўлган вазифалар ҳақида ҳам батафсил тўхталиб ўтди. Қизиқарли савол-жавоблар асосида ташкил этилган матбуот анжумани барчада катта таассурот қолдирганлигини алоҳида таъкидлаш керак.