АВАЗАЛИ МАҲАЛЛАСИДА БИР КУН…

Бугунги кунда Авазали маҳалласида беш мингдан ортиқ аҳоли 

истиқомат қилади. Маҳалла марказига боргудек бўлсангиз, худди гўзал

 шаҳарчани эслатади. Бу ердаги аҳолига савдо ва маиший хизмат кўрсатиш 

шаҳобчалари доимо одамлар билан гавжум. 

- Жорий йилнинг бошидан аҳолига бериш учун 350 миллион сўм кредит 

ажратилиб, 56 та янги иш ўринлари яратилди, - дейди ҳоким ёрдамчиси Дилёр Шукуров. - Йил охиригача мақсадимиз 120 та иш ўрнини яратиш. Аҳамиятли томони 

шундаки, аҳоли томонидан томорқа хўжаликларида ҳам ердан унумли 

фойдаланилмоқда. Бу ҳам ўз навбатида иш ўринларини яратиш билан бир 

қаторда аҳоли фаровонлигининг ошишига хизмат қиляпти.

Дарҳақиқат, маҳаллада истиқомат қилаётган аҳоли кўчат етиштиришга

 жиддий эътибор беришмоқда. Масалан, Авазали қишлоғида яшовчи 

Қўзибой Юнусов 3,5 сотих иссиқхонани ўз ҳисобидан ташкил этиб, 

йилига қарийб 50 миллион сўм даромад олаяпти. Шунингдек, ўз 

ҳовлисидаги 4 сотих майдонда иссиқхонада ташкил этган Шохдор 

Тошев оиласида ҳам йилига 30 миллиондан ортиқ даромад қилишмоқда. 

Маҳаллада бундай оилалар сони тобора ошиб бораяпти.

Маҳалла аҳли торт маҳсулотлари савдоси билан шуғулланаётган

 Ҳалима Турсунова, комьпютер хизмати кўрсатиш бўйича Дилмурод 

Шукуров, аҳолига намунали савдо хизматини кўрсатувчи Хуршид 

Абдурашидовларнинг меҳнатидан беҳад мамнун бўлишмоқда. 

- Маҳалламиз аҳолиси чорва маҳсулотларини етиштиришга ҳам алоҳида 

эътибор беришмоқда, - дейди маҳалла раиси 

Элдор Бердиқулов. - Чунки маҳалламизда 4 та гўшт дўкони мавжуд бўлиб, аҳолининг гўштга

 бўлган эҳтиёжларини тўла қондиришмоқда. Бундан ташқари қўшни маҳаллалар,

 Пастдар-ғом ва Иштихон туманларидан ҳам харидорлар келиб туришади.

Маҳалла раисининг айтишича, жорий йилда Авазали қишлоғи аҳолисини 

ичимлик суви билан таъминлаш учун 500 миллион сўм ажратилган. 

Булардан ташқари маҳалла ҳудудидаги болалар боғчалари, мактаблар, 

соғлиқни сақлаш муассасаларининг таъмирланишига катта эътибор бериляпти. 

Бир сўз билан айтганда, маҳаллада амалга оширилаётган ишлар б

угунги кун талабига тўла жавоб беради, дейиш мумкин.

Суннатулло ИБРАГИМОВ.

Муаллиф олган суратлар.