ЭНДИ ФУҚАРОЛАРНИНГ МУРОЖААТЛАРИ ТУМАН ҲОКИМИ ТОМОНИДАН ҲАР КУНИ ТИНГЛАНАДИ

Жисмоний ва юридик шахсларнинг муаммо ҳамда таклифларини ўрганиш мақсадида, Оқдарё туман ҳокими Нажмиддин Сулаймонов эндиликда ҳар куни(дам олиш кунларидан ташқари), соат 8-00дан, 10-00гача Халқ қабулхонаси биносида фуқаролар мурожаатларини қабул қилмоқда.
Хусусан, бугун туман ҳокими Халқ қабулхонаси биносида сектор раҳбарлари ҳамда вилоят 4-сектор раҳбари Самарқанд вилояти Давлат солиқ бошқармаси бошлиғи А.Инагамов иштирокида 20 дан ортиқ фуқароларнинг турли масалалардаги мурожаатларини қабул қилди. Ҳар бир мурожаат тегишли тартибда расмийлаштирилиб, ижроси назоратга олинди.