БАНКОМАТЛАРДАГИ “ПРОФИЛАКТИКА” ҚАЧОНГАЧА ДАВОМ ЭТАДИ

Бугун 1 июль. Ёзнинг айни саратон палласи. Тумандаги “Агробанк”да эса ушбу суратларда кўриб турганингиздек аҳвол шу.  2 июлдан бошлаб пластик карталарга  пенсия ва нафақалар тушишини интиқлик билан кутаётган фуқароларимиз эса ваҳимада:  “Нима бўлганда ҳам “вақтинчалик давом этаётган профилактика” лар тезда бартараф этилишидан умидвор бўлишмоқда.  Нафақат пенсионер ва нафақахўрлар, балки, ёзги меҳнат таътилига чиқиб, ҳали ҳамон таътил пулини кутаётган минглаб ўқитувчилар ҳам бундан мустасно эмас.
Биз истардикки, банк ходимлари аҳоли диққатига вақтинчалик профилактика жараёнларини аниқ вақт-соатларини кўрсатиб, бошлиқнинг муҳри билан тасдиқлаб қўйишса, аҳолининг сарсон-саргардон бўлишларининг олди олинган бўларди. Бу масала билан нафақат, Агробанк мутасаддилари балки, банкларни назорат қилувчи юқори ташкилотлар ҳам шуғулланишлари лозим эмасми? 
         Сиз бунга нима дейсиз, банк мутасаддилари?! Бу саволга аниқ жавоб борми?...