Йўлга эътибор шуми?

Бугунги кунда қишлоқ жойларидаги ички йўлларни таъмирлаш муҳим аҳамиятга эга. Ўтган йили туманимизнинг аксарият қишлоқларида кўчалар таъмирланди. Бу эса аҳолини беҳад мамнун этмоқда. 
Бироқ, Темирак маҳалласининг Темирак қишлоғидаги 25-мактабгача таълим ташкилотига олиб бориладиган кўчанинг аҳволига «маймунлар йиғлайди». Кўп йиллардан буён қаровсиз қолган йўл ёзда тиззагача тупроқ, қишда эса лой бўлиб аҳолининг ва болажонларнинг қатнашига қийинчилик туғдирмоқда. Бу ҳақда депутат сўрови бир неча бор амалга оширилган бўлса-да, лекин натижа бўлмаяпти. Негадир масъулларнинг кўчани обод қилиш ҳақида бош қотиришмаётганлиги кишини ажаблантиради. Жорий йил Президентимиз томонидан "Инсон қадрини улуғлаш ва фаол маҳалла йили" деб эълон қилинди. Эҳтимол, тегишли ташкилотлар болажонларнинг бемалол кўчада тарбия масканига бориб-келишлари учун таъмирлаш ишларини амалга оширишар. Ўйлаймизки, улар танқидий чиқишимиздан ўзларига зарур бўлган хулосани чиқариб олишади.