ЛОЙИШДА БАЙРАМ КЕНГ НИШОНЛАНДИ

Айни шу кунларда мамлакатимиз бўйлаб Ўзбекистон Республикаси мустақиллигининг 30 йиллиги тантаналари юқори савияда ўтказилмоқда. Юртдошларимиз бу кунни ниҳоятда орзиқиб кутганликларига барчамиз гувоҳмиз. Барча жойларда шонли сана муносабати билан ташкил этилаётган тадбирларда энг фаол ишлаб чиқариш илғорлари, маҳалла фаоллари ва меҳнат фаҳрийлари иштирок этишмоқда.
Бугун Ўзбекистонннинг энг гўзал ва сўлим масканларидан бири бўлган Оқдарё туманида ҳам байрам тадбирлари намунали тарзда нишонланди. Лойишдаги истироҳат боғида йиғилган байрам иштирокчилари юртимизнинг осмони доимо мусаффо бўлишини алоҳида таъкидлаб, халқ фаровонлигини ошириш мақсадида Юртбошимиз томонидан амалга оширилаётган ишларга юқори баҳо бердилар.