ОҚДАРЁДА АДАБИЁТ ВА ИЖОД БАЙРАМИ ЎТКАЗИЛДИ

Мустақиллигимизнинг 34 йиллиги байрами арафасида Оқдарёда 

"Адабиёт ва ижод байрами" фестивали ўтказилди.

 Байрам фес-тивалининг асосий сабабчиси Ўзбекистон Ёзувчилар уюшмасининг 

аъзоси, таниқли адиба ва шоира Ойгул Муҳаммад Жиян қизи шу кунларда

 ўзинингюбилей 70 ёшини нишонламоқда. Шу муносабат билан жорий 

йилнинг 15 август куни ташкил этилган мазкур байрам тадбирида 

Ўзбекистон Ёзувчилар уюшмаси раисининг ўринбосари Ғайрат 

Мажид бошчилигидагипойтахтимиздан келган Ўзбекистон Ёзувчилар 

уюшмасининг аъзолари, шоирлар ва ёзувчилардан Орзиқул Эргаш, 

Тоҳир Долиев, Маъмура Зоҳидова,   Тўлқин Эшбек, Ойгул Cуюндиқова,

 Ислом Али ҳамда бир гуруҳ таниқли шоирлар, адиблар, журналистлар 

ва Олий мажлис депутати, Миллий тикланиш демократик Партияси

 аъсоси Азамат Пардаевлар ташриф этишди. 

Шунингдек, қўшалоқ байрам тадбирида "Зарафшон" ва "Самаркандский вестник" 

бирлашган таҳририятларининг бош муҳаррири Фармон 

Тошев, Ўзбекистонда хизмат кўрсатган маданият ходими Хосият Бобомуродова, 

вилоят ёзувчилар уюшмасининг мутасаддилари, туман ҳокими Шерзод Қудратов 

 ҳамда кенг жамоатчилик вакиллари туман маданият бўлимининг концерт 

залида ҳозир бўлдилар. 

Дастлаб ижод байрамини кириш сўзи билан туман ҳокими Шерзод 

Қудратов, "Зарафшон" газетасининг бош муҳаррири Фармон Тошевлар Фестивал 

иштирокчилари билан бирга адабиёт ихлосмандларини бугунги муҳим 

воқейлик билан самимий муборакбод этишди. 

Шундан сўнг сўзга чиққан Ўзбекистон Ёзувчилар Уюшмасининг раиси 

ўринбосари Ғайрат Мажид, Ўзбекистонда хизмат кўрсатган маданият ходими 

Хосият Бобомуродова, Ўзбекистон Ёзувчилар уюшмасида масъул вазифада самарали 

меҳнат қилиб келаётган устозимиз Орзиқул Эргашев ва бошқалар 

Оқдарё адабий муҳитининг етакчи шоираси Ойгул Маматовани юбилей

 ёши билан қизғин 

қутлаб, ҳаёти ва ижоди барчага ибрат мактаби эканлигини алоҳида ҳурмат билан 

таъкидлаб ўтишди. 

Байрам фестивали давомида Ўзбекистон Ёзувчилар уюшмаси аъзолигига

 янги қабул қилинган "Оқдарё овози" газетасининг бош муҳаррири 

Йўлчи Муҳаммадиев, вилоят Ёзувчилар уюшмасидан таниқли шоир

Муҳаммадризо ҳамда оқдарёлик ёш ижодкор Наврўз Ҳасановларга

 аъзолик гувоҳномаларитантанали равишда топширилди. 

- Туманимизда ўтказилган адабиёт ва ижод байрами ҳамда Ўзбекистон

 Ёзувчилар уюшмаси аъзоси, таниқли адиба ва шоира Ойгул Маматованинг

 етмиш йиллигига бағишланган тадбир юқори савияда ташкил этилганлигини

 алоҳида таъкидлаш керак, - дейди устозимиз Йўлчи Муҳаммадиев. - Ушбу тантанали тадбирда Ўзбекистон Ёзувчилар уюшмаси раисининг 

ўринбосари Ғайрат Мажид томонидан уюшма аъзолигига қабул қилинганлигим

 тўғрисидаги гувоҳномани қабул қилиб олдим. Энди янада баракали ижод 

қилишимизга тўғри келади. Шунингдек, тадбир давомида "Оқдарё мавжлари"

 рукни остида оқдарёлик олти нафар ижодкорнинг,   жумладан, каминанинг

 қайта нашр этилган "Туҳмат гирдоби" китобининг тақдимоти ҳам бўлиб ўтди. 

Тошкентдаги "Фирдавс-Шоҳ нашриёти" томонидан минг нусхада чоп этилган китобларнинг маълум 

қисми йиғилганларга совға тариқасида тақдим этилди. 

Тадбирда Ўзбекистон Ёзувчилар Уюшмаси муассислиги остида Оқдарёлик 

ижодкорларнинг қаламига мансуб нашрдан чиққан ўнга яқин китобларнинг тақдимоти ҳам бўлиб ўтди.

Шунингдек, ушбу тадбирга Ўзбекистон Ёзувчилар уюшмаси вилоят бўлими

раҳбари Тошпўлат Тугалов раҳбарлигида эл таниган шоирлар ҳам ташриф

 буюрдилар. Ўзбекистонда хизмат кўрсатган маданият ходими Хосият 

Бобомуродова ҳамда шоиралар Кубарро Баҳромова, Зуҳрабегим, Тозагул 

Жумановалар Оқдарёнинг фахрли шоирасини муборак ёши билан қутладилар. 

Шоира Ойгул Муҳаммад Жиян қизига меҳмонларнинг эсдалик совғалари 

топширилиб, шоиранинг ёзган асарлари ҳамда ўз халқи олдидаги хизматлари 

эътироф этилди.

Шуни алоҳида таъкидлаш лозимки,шоира Ойгул Муҳаммад Жиян қизининг

 ижоди, ҳаётий фаолияти ҳақидаги видеоролик меҳмонларда катта таассурот 

қолдирди. Фестивалнинг асосий босқичлари бўлиб, унда Ойгул Муҳаммад 

Жиян қизининг асарларидан парчалар, куй-қўшиқлар, бахшилар ижросидаги

 "Тоҳир-Зуҳра"га атаб ёзилган достонлар, 50 ёшга тўлган "Навниҳол" клубинингюбилейи, "Излам" туркумидаги 

"Оқдарё" 6 талик янги тўпламлари тақдимоти диққатга сазовор бўлди.  

Адабиёт фестивали "Бўстон она" тўйхонасида ёзилган байрам дастурхони

 билан давом этди. Унда таниқли ҳофиз Азим Қувондиқов томонидан

 куйланган қўшиқлар барчага олам-олам қувонч бағишлади. 

Туманимизнинг таниқли ижодкорларидан Тўлғаной Гадоева мазкур тадбир 

ҳақида ўз фикр-мулоҳазаларини билдирди:   

- Бугун ўзининг 50 ёшини қаршилаётган "Оқдарё овози"

 газетаси қошидаги   "Навниҳол" ижодкор   ёшлар клубининг жўшқин 

"Устоз-шогирд" анъаналари асосида узвий давом этиб келаётган бу даргоҳ 

ҳамиша ижодкор ёшлар билан гавжум. Бугунги кунда "Нав-ниҳол"да 

қалами чархланган Оқдарё фар-зандлари - мамлакатимиз миқёсида фаолият 

юритиб келаётган Орзиқул Эргаш, Тоҳир Долиев, Йўлчи Муҳаммадиев,

 Ойгул Маматова, Нурилла Нарзуллаев, Дилдора Мардиева, Кубарро 

Баҳромова, Дилшода Саидолимова, Эркиной Қаршиева каби шоир, 

ёзувчилари билан оқдарёликлар ҳақли равишда фахрланадилар. 

Устозлар изидан шахдам қадамлар билан бораётган ёш ижодкорлардан Гулҳаё Анорова, Фарҳод Рўзиев, Наврўз Ҳасанов, Чарос Қурбоновалар ўз сўзлари, овозларига эга бўлишга ҳаракат қилиб келишмоқда. 

Оқдарёда илк марта ўтказилган адабиёт ва ижод фестивали иштирокчиларда бир олам таассурот қолдирди.

 Гулсара ТИНИБЕКОВА,

  махсус мухбиримиз.