27 июнь - Матбуот ва оммавий ахборот воситалари ходимлари куни! БАЙРАМИНГИЗ МУБОРАК, АЗИЗ ЖУРНАЛИСТЛАР! Байрам табриклари Улкан зафарлар ёр бўлсин!

Туманимиз кўзгуси бўлган "Оқдарё овози" газетасининг ҳар бир сонини зўр қизиқиш билан кузатиб бораман. Шунинг билан бир қаторда ўзим ҳам ижодкор сифатида шеърларим билан ҳамда соҳага оид мақолаларим билан қатнашиб тураман. Газетада чоп этилаётган долзарб мавзудаги мақолалар, айниқса, оқдарёлик ижодкорларнинг шеър ва ҳикоялари мунтазам равишда бериб борилаётганлиги газетанинг янада қизиқарли ва ўқимишли чиқишини таъминламоқда. Айниқса, туманимиз ҳаётига оид янгиликлар, жамиятимизда рўй бераётган турли хил воқеа-ҳодисаларни ёритиш ва халқимизга етказишда туманимиз журналистларининг ўрни беқиёсдир. 
Дарҳақиқат, журналистика касби шарафли касблардан биридир. Негаки, журналистлар доимо халқ дарди билан яшайди. Шунинг билан бир қаторда бу касбнинг ўзига хос машаққатлари ҳам бор. Туманимиз халқининг оғирини енгил, узоғини яқин қилишдек, эзгу мақсад йўлида астойдил меҳнат қилаётган журналистларимизнинг бугунги фаолиятидан халқимиз мамнун эканлигини алоҳида таъкидлаб ўтиш лозим. 
27 июнь - Матбуот ва оммавий ахборот воситалари ходимлари куни. Туманимиз кўзгуси ҳисобланган "Оқдарё овози" газетаси журналистларини, қолаверса, барча ижодкорларимизни ушбу улуғ айём билан чин қалбимдан табриклайман ва уларнинг эзгу мақсад йўлидаги ишларига улкан зафар тилаб қоламан.