"КАМТАР АДИБ"
- Фалон адиб китобини, ҳамма олар талашиб.
- Биласизми, оломон
юрар шундоқ адашиб.
- Фалон шоир
шеърларидан,
кўринади -
У буюк.
- Қўйсангиз-чи,
ёзганлари
ҳатто ўзидай суюқ.
- Хўш, фалончи
драматург?..
(У силтайди қўлини).
- Ахир, том-том китоби бор!
- Ҳа, қилган-да "йўли"ни.
- Унда яхши адиб, дея
тан оласиз, хўш, кимни?
Яхшилари ўтиб кетган,
энди эса… ўзимни!
ИНТЕРНЕТ-У ТЕЛЕГРАМ...
Хўб ажойиб замон келди:
Кўзимиз интернетда,
Сўзимиз интернетда,
Ўзимиз интернетда,
Юзимиз интернетда...
Энди ҳеч ким ружу қўймас "юз грамм"га,
Кайф қилмоқ-чун боқар телеграмга.
Кўзимиз телеграмда,
Сўзимиз телеграмда,
Ўзимиз телеграмда,
Юзимиз телеграмда...
Интернет-у телеграмда бўлсин дейман:
Дилимиз пок,
Кўнглимиз оқ,
Кайфимиз чоқ,
Бўлмайлик шок...
Бу майдонда жавлон урсин дейман мудом:
Фақат яхшилар,
Дилкаш бахшилар,
Қалби нақшилар.
Виртуал олам ичра бўлмасин асло ўрин:
Бетайин ғийбатларга,
Асабий ғурбатларга,
Гоҳ сархуш улфатларга,
Фалокат-кулфатларга...
Интернет-у телеграм хизмат қилсин доим:
Эзгулик аҳдимизга,
Умидбахш шаҳдимизга!
Туганмас бахтимизга,
Истиқбол - тахтимизга.
Тўлқин ЭШБЕК.
Мавзуга оид:
Оқдарё бахшилари
- 25 мар, 15:06
Янги асар хабари
- 08 мар, 15:10
Янги асар хабари
- 04 мар, 13:37
Янги асар хабари
- 25 фев, 16:00
Шеъриятда янги номлар:
- 11 фев, 21:41
Фотогалерея
Оммабоп
Комментируют
© 2021, "Oqdaryo ovozi" газетаси Барча ҳуқуқлар ҳимояланган.
Манзилимиз: Оқдарё тумани Лойиш шаҳри Амур Темур кўчаси 31-уй. Тел: 998 66 492-61-88.
Муассислар: Халқ депутатлари Оқдарё туман Кенгаши ва туман ҳокимлиги.
Материаллардан тўлиқ ёки қисман фойдаланилганда веб-сайт манзили кўрсатилиши шарт!