Kitob o'qing! u insonga maslahat bera oladi

Kitob mutolaasiga    havas avvalo, oiladan boshlanishi, ota-onalar farzandlarida kitob o'qishga  mehr uyg'otishi uchun o'zlari kitobxon bo'lishlari lozim.
     Sh.Mirziyoyev.
Insonga kitob deb atalmush bu buyuk ne'mat in'om etilganki, uning ahamiyatini boshqa biror narsa bilan  qiyoslab bo'lmaydi.
Kitob - insonning eng yaqin do'sti, maslahatchisi, bilim manbai va  fikrlash qurolidir. Kitob o'qiydigan odamning  so'z boyligi katta bo'ladi, o'qish insonni dadillashtiradi. Kitob o'qish ulug'vor kuch, quvvat manbai  hisoblanadi. Kitob haqida har qancha gapirsak kam, uni o'qigan inson o'tmishdan boxabar  bo'ladi va kelajakka teran nigoh  bilan qaraydi. Biz uchun  eng zarur va eng hamroh  bo'lgan bu kitob insonlar  tarixida kashf etilgan eng buyuk, eng qadrli, zamonlar o'tsada  o'z qadrini yo'qotmagan mo'jizadir. Ayniqsa bolaligidanoq, kitobga mehr qo'ygan insonlarning o'z o'rni, odamlar orasida  obro'-e'tibori o'zgacha bo'ladi. Buyuk shoir, mutafakkir A.Navoiy hazratlari yozganidek, "Kitob - beminnat ustoz, bilim va ma'naviy   yuksalishga erishishning  eng  asosiy manbai". Oilada ota-onaning  farzandi uchun kitob mutolaa qilib berishi , insoning o'zi uchun  kitob mutolaa qila olishi o'zi va farzandlari uchun eng katta   yaxshiligidir. Badiiy adabiyotlar, bola dunyosining rivojlanishida  muhum ahamiyatga ega  bo'lib, ularning o'qish va o'rganishida katta  roli bor. Farzandimizga  kitob o'qishni  targ'ib etishimiz emas ,balki  ularga o'rnak bo'lishimiz  kerak. Shu jumladan tumanimizda aholi uchun xizmat ko'rsatib kelayotgan Axborot-kutubxona   markazi  mutaxassislari tomonidan  bir qancha ishlar amalga oshirilmoqda. Jumladan,   kitobxonlikni keng targ'ib qilish maqsadida tashkilotlarga ko'chma kutubxonalar, joylarda kitobxonlik targ'ibotlari, imkonyati cheklangan kitobxonlar uchun «Mehr kutubxonasi» loyihasi  asosida ularning uylariga borib yangi adabiyotlar bilan tanishtirib borilmoqda   hamda kitobxonlik ko'rik-tanlovlari o'tkazilmoqda.
Xulosa  o'rnida shuni  aytish kerakki, hozirgi sharoitimizda kitobning ahamiyatini kitobxonlar uchun yanada oshirish, insonlar xonadonlari javonlaridan o'rin olishlari bugungi kun talabidir. Kitob har qanday sharoitda ham o'z kuchini saqlab   qolishi lozim. Inson hayotida birinchi o'rinda non bo'lsa, ikkinchisi kitobdir. Ayni damda insonyat  virtual olamga qaram bo'lib qolayotgan bir davrda bizni va yoshlarimizni qutqara oladigan yagona najot bu kitobdir,  kitobga oshno qalblardir. Kitob  insonning tabiati mohiyati bilan bog'liq bo'lgan buyuk mo'jizadir. Inson bor ekan, kitob ham qay bir shaklda  yashayveradi.
Sh.Otamurodova, 
tuman Axborot-kutubxona markazi Abonimentlar va foydalanuvchilarga xizmat ko'rsatish xizmati mutaxassisi.