БАЙРАМИНГИЗ МУБОРАК, ШИФОКОРЛАР!

Инсон ҳаётда  тинч-хотиржам, бахту саодатли яшаши учун доимо   соғлом бўлиши керак. Унинг акси бўлса, ҳаёт мазмуни йўқолади, турмуш тарзида машаққатларга дуч келамиз. Ана шундай пайтда  саломатлик посбонлари бизга ёрдамга шошилади. Улар ўзларининг беминнат хизматлари билан соғлигимизга соғлик, умримизга умр қўшиб келмоқда.
Дарҳақиқат, ҳар қандай касб эзуликка хизмат қилар экан, шак-шубҳасиз, эл назарида улуғвор, жамият ҳаётида қадр топади. Бу борада туман тиббиёт бирлашмасига қарашли "Ойтамғали" оила шифокор пунктида фаолият кўрсатаётган фидойи шифокорларнинг эл хизмати йўлидаги беминнат хизматларини алоҳида таъкидлаб ўтсак арзийди. Улар куну тун халқимизга беминнат хизмат қилишиб, маҳалла хонадонларига қувонч ва хотиржамлик бахшида этишмоқда. "Ойтамғали" оила шифокори пункти мудири Р.Шамсиева, катта ҳамширалар Маматқулова, Г.Ҳакимова, Р.Мардиева, Ч.Суярова, С.Қиличевалар эл хизмати йўлида асло тиним билмасдан меҳнат қилишиб, халқимизнинг олқишига сазовор бўлишмоқда. Халқимизнинг саломатлигини муҳофаза қилишдек эзгу мақсад йўлида астойдил меҳнат қилаётган оқ халатли шифокорларимизни яқинлашиб келаётган касб байрамлари билан самимий муборакбод этамиз.
Инсонларимиз соғлиги йўлида меҳнат қилишдан асло чарчаманг, азиз шифокорлар!
Эл соғлигин ўйладингиз,
Юрт бойлигин кўзладингиз,
Дилга шифо сўзларингиз,
Дардга дармон фидокорлар,
Хастага жон шифокорлар.